L'invitu - Canti A Filetta


A FILETTA : les chants
		Dernière mise à jour de la page : 08/02/2007
		Pour tous les chants de cette page : © Propriété des auteurs
		À a riscossa A Canzona di a Malata À Dì ti di tù À l'Acula di Cintu A l'Alivetu À l'Altru Mondu À megliu stà A Muntagnera A Paghjella di l'impiccati Affrescu Aghju Coltu Anima Beati Chjarura Cose Viste Criaturella Cumpagnu Cun Tè Da Grande Di l'aghje Dormi Eo sai È Puru simu quì Euskadi Exorcismus Farandula Figliolu d'ella Fiure Ghmerto I Mufrini Induvinella I Piscadori è u Mare L'Acillucciu L'Anniversariu di Minetta L'Arditezza L'Attesa L'Ecclésiaste L'Invitu L'Ombra murtulaghju L’Orrida bestia Machje Ma Dì Ci Chè Tù Voli Malanni Mare Eternu Meditate Memorie Ne'n tarra ne'n celu O Dumè, O Muamè O Terra O vita, o vita Oggi Paghjella Pè Ssu Dumane Pueta Reame meiu Rex Santa R'ghjina Sì Sintenza Per Tè Sò l'omu Sumiglia Ste mane qui Tempu Terra brusgiata Ti chjami Tra noi Trè U Casticu U Furore U Lamentu di Maria U Lamentu di Ghjesù U Mare è un Fiume U Mulatteru U Pagliaghju d'Ostriconi Una Tarra ci hè U Negru Fume U Sipolcru U Ventu Schemu è a Vechja serena Vai Puru Vogliu Vogliu esse Visioni Care

		MEDEA (1997/2006)
		L'INVITU Sénèque, trad. Jean-Claude Acquaviva Di celu è mare Maestri Dii Vinite ed accunsintite l'alta spusalizia E' voi torna, populi tutti in accolta pia, Vinite ed'appicciate à noi. Vittima à a prima sarà Un toru biancu à porghje so capu A chì cummanda u tonu. A' Lucina, bianca una manza da parè neve Chì n'ùn cunnobbe a coppia Dea ch'affreni Marzu di farru incrispitu Tù chì impedisci e so spietate mane Dea, sosta arricata à i populi à a sfarra Diviziosa Dea, Di pace Dea, Eccu per tè, più tenneru sacrifiziu E' tù O Diu ad'alzà u fiacculu Di e liggitime nozze Tù chì sì à sguaglià a notte Sii pò tù u testimone nostru Veni caru, Fà ti vene travalzatu è briacu Di rosule incurunatu. E' tù chì splendi à tardi troppu Quandu sò in brama l'amanti Tù chì tornì lu ghjornu Dop'avè cummandatu à a notte Da sta mane sò spose è mamme chì ti chjamanu Adondi la to luce Bella hè Più bella cà e figliole d'Atene Di più cà e giuvanotte di a smuragliata cità Avvezze tantu à corre cum'è masci Pe' e cime Bella hè Più bella cà l'olimpiana chì nuta In l'acque sacre di l'Alfeu Da bella, ch'ella si fia avanti Tandu si cancillarà di pettu à Ghjasone Diunisu, figliu di l'accendita murtale Chì và in carru da tigri tiratu E' dinù Appollu, u fratellu di l'aspriccia vergine Quella chì stà in bocca à Pizia E' Castore, è Polluce u so fratellu L'abile cumbattente. Maestri in celu, Eccu a mio preghera. Ch'ella sia sta donna, una sposa nesca Nescu dinù frà i sposi Ch'ellu ci sia st'eroie. Quand'ella move in mezu à e so pare Lampante frà altri tutti hè u so visu Ùn impallidiscenu e stelle à u fà dui u sole ? Ùn s'arritiranu puru quelle à luna vechja Quandu spampillente, u so discu s'hè spechju ? Cum'è di Tiru a porpura torna a neve imbacarillita, Cum'ellu si spanna Barbirossu in l'ochji ammachjati Di l'alba chì sprichja. Spicca ti da roza a Caucasica chì t'accampa Tù chì n'ùn fusti à ricusà e smisurate brame D'una chì t'arricava u tremulu Quand'è tù a strignii Aguanta la a felicità Vistuta da greca figliola E ricevi to sposa Da i so genitori offerta Imene, Nobile figliu di Baccu Chì tene u tirsu Hè ora avà. L'ora sacra d'accende u fiacculu di deda. Dà li, Da e to languide dite Scatulisca l'alta calisgina. Ribombinu puru i scaccani di e canzone in burla E sconcia, a folla scioppi. Quella, A si porti a notte Senza mancu una parolla Fece a sposa d'unu scappaticciu andaccianu.
		L'ARDITEZZA (Senèque-adapt. Ghjuvan-Claudiu Acquaviva/Ghjuvan-Claudiu Acquaviva) Audax nimium qui freta primus erat Tam fragili perfida rupit Terrasque suas post terga videns Animam levibus credidit auris Soca era una smisurata arditezza À guidà u prima chì fù à strisge E perfide onde Annant'à cusì scaghjula barcella Lasciatu si di Mamma, a batticcia Di a so vita fece u spassu di i venti strosi I mari l'hà battuti à casu Fidendu si à un legnu mastinu Trà vita è morte, corciu sulcatu Di nanzu à ellu, Nisunu cunniscia e sidere Ùn lighjia omu, in l'affrescu stillatu E i vascelli ùn ci la facianu à schisgià E sbarsante Iade o a Capra d'Olinia Nemmancu u Buiaghju Quandi u so carru trinca ad'ambarscia Pè di Boreu, pè di Zeffiru Ùn ci era nancu nome Arditezza di Tiffeu À imbuffà e so vele Annant'à u vastu mare Da suggerì à i venti Un cuntegnu novu E so tele, ora e stindia à pienu Ora burdighjava in li tretti di u miziornu À briglia sciolta (fin de la version courte) A intenna, à e volte Si cautava à lascià la mizana Ma accada dinù Ch'ellu a pisessi in cima di u maghju Scummessa di Marinaru primurosu è più D'ammaistrà a vintizata Tandu in le calgese, quassù. Svintulava rossa a so bandera. Tempu niscentre è di viziu privu Quellu di l'antenati A so pace, elli, A si gudianu senza sbirbà nè francà pozzu In tarra soia scurrianu i so ghjorni Quindi ogni pocu era divizia Ogni lenza era daziana Ùn cherianu altrununda. Cunfinati à bella megliu eranu i mondi Finch'ellu s'impachja si u vascellu tessalianu Da fà turnà appicciati. Da ellu fù tribbiatu u mare, E' u mare si fece timore di i nostri orizonti. Rea sta nave Spietatu u casticu. Dopu è ridopu, Unu strapazzu appressu à l'altru. Quandu e duie sarre ad'abbadà l'acque Mossenu à rughju paru Da purtà sciuma frà stelle è nebbie. Si hè vinutu menu l'arditu Tiffeu E' li hè scagliata a manu. S'ammutulinu Orfeu è a so lira E Argò anch'ella, di voce fù priva. E' quale n'ùn fù insischitu Quandu appar di Cicilia a vergine Cinta tutta à mastini cani à caccia abbaghju E' quandu si fece sente a perfida chjama Di e sirene ad'amasgiulà l'onde E' chì u risponde d'Orfeu è a so lira Fù quasi u tercanu. E' chì ci era à viaghju fattu ? Pilone d'oru è Medea, À coppiu è nescu. Fù quella u pessimu rigalu Spavintosa di più cà i mari incruscati. A' chì prò oramai Gluriosi vascelli è omi di vaglia ? Ammaistratu, si stà l'Oceanu Capighjimbu di fronte à l'omi Hè turnatu bunaccia È da ellu s'avanzanu l'ore Di i mondi à palesu.		l'arditezza : l'audace a batticcia : le rivage affrescu stillatu : la voûte étoilée
		U CASTICU (Senèque-adapt. Ghjuvan-Claudiu Acquaviva/Ghjuvan-Claudiu Acquaviva) A rabbia chì fraga in la fiara E vintere sparamundate U timore di lu farru alzatu Ùn venenu apparinati à u furore. À l'odiu di a sbandita sposa, Nemmenu u Punente maestru Imbutratu si di niuli ed'acque micidiose A fiumara di Danubiu à spanticà i ponti. A forza di Rodanu, quandu chì mare ed'ellu A si ghjocanu à e petturiccie Nemmancu i sbollari di l'acque turnate inzirgate Da e neve frante. Quand'ellu s'hè arsente u sole À l'entre di u veranu A cecu lu focu accatizzatu da l'ira Ùn lu cummanda nimu, ùn lu para nisunu Pediniella puru ! A quella da a stizza A si stringhjaria ancu. A supplicà vi simu O Dii, Ùn siate ingordi di castichi Fate pace à quellu ch'hà dumatu u mare Ma rabbiosu hè firmatu u putente "Marone" Da chì fù vintu u so reame, l'altu secondu. (début de la version courte) … U ghjuvanottu arditu si Da purtà l'eternu carru Fora di l'àndati paterni Ebbe à pate a fiara da ellu zingata. Malasciu à chì trafanca l'assestu. Ogni marinaru da Argò imbarcatu Fece a Malamorte Offesu, u mare fù à orde vindetta Tiffeu fù u prima strintu da Falcina Orfeu cansatu sì in infernu In tempu d'una volta Ci hè turnatu pè u sempre. Sbrimbate, e so carne Funu sparnucciate Mentre vinia à gallu u so capu In l'acque di l'Ebru Ercule, rosu da u murtale rigalu di a moglia Si fece dà miccia in capu à Eta Anceu fù sbattutu da un cignale E tù, O Meleagru, Tù chì fusti à toglie vita à babbituzii Sarè ammazzatu da Mammata altariata Rei tutti, culpiti tutti Ma chì fallu po fù à fà smarisce In l'acque chete d'una surghjente Stu ghjuvanottu da Ercule persu… Andate, andate O eroi, Andate à batte mari Ma attenti à e fonte paisane ! … (version longue seulement) Immone, à fatu sappiutu Finì in bocca ad'un sarpu di Libbia, Induvinu da tutti, salvune da ellu, Mopsu morse spaisatu. S'ellu disse veru, u maritu di Tetti Sarà eternu errente. Naupliu, ellu, s'hè annigatu è D'Oilè sarà u figliolu à pagà I crimini : culpitu da u lampu Fù ingullitu da u mare. A moglia d'Ammette, Da salvà lu so sposu Sarà à offre so vita (reprise version courte) E quellu chì abbramava tantu u pilone d'oru E da chì tuttu stalvò Peliade, fù sbrimbatu è messu à bullisginà Ind'una paghjolla Sazii site O Dii D'avè vindicatu u mare Ùn tramannate à quellu chì eseguia.		Le châtiment àndati : les traces u cignale : le sanglier babbituzii : oncles paternels reu : coupable u pilone : le manteau, ici la toison d'or paghjolla : chaudron
		U FURORE (Senèque-adapt. Ghjuvan-Claudiu Acquaviva/Ghjuvan-Claudiu Acquaviva) … Ver dì chì cima funesta andarà A maga insanguinata, Data si à u s'amore spietatu ? Annant'à chì malcaminu a si strascina U s'arcanu furore ? Hà l'ochji imbariati Ma altu lu capu da sfidà u rè. Sarà po ella a sbandita ? S'avvampa eppò s'avvampa dinù Dop'avè sbiaditu, u so visu in anda. Levati li so chjuchi Un hà passu cusì scatinatu una tigra Amore nè Odiu Medea ùn affrene Amore eppo Odiu si danu à l'arrembu E vanu ! Verdì chì ultime ripe ? Un sarà ora ch'ella smarisca rea a colcidiana Li possinu rifiatà stu reame è i nostri rè ? A'briglia sciolta O sole, vai O sole Vai è trapoghja in la notte, sapara notte E di questu ghjornu tremendu Fà ne u spasimà.
		SI DI ME

		NE'N TARRA NE'N CELU (Ghjuvan-Claudiu Acquaviva/Ghjuvan-Claudiu Acquaviva-Bruno Coulais) Nè in tarra nè in celu Sensu passu ùn avarà ? E case sò quì à curà Ricordi di sbelu E' sbagliu d'eternità Nè in tarra nè in celu Lu mio tempu si stà Aghju vistu l'infernu D'una mamma à u spiccà E u surrisu in darnu chì a vulia allaccià Una ghjurnata tetra Di quelle chì ponu turnà Nè in tarra nè in celu U mio tempu ci và Nè in celu nè in tarra Sò cote à lampà Aghju l'anima chì cotra Forse da l'alta sarra Quella ch'omu n'ùn sà Palisatu sicretu… Corcia felicità…
		SANTA R'GHJINA (Jean-Yves Acquaviva/Ghjuvan-Claudiu Acquaviva-Bruno Coulais) Sì di petra zuccata da l'omi è da li venti I to culori sò quelli ch'è tù t'inventi Lascendu fà l'ingegnu di e quattru stagione Ch'intreccia ombra è lume in una strana unione Sì di sicreti persi cù l'anime smarite Di quelli ch'in le fole s'amentanu e vite Quelli ch'anu spartutu tempi fà e to stonde Banditi o pastori l'hai sappiuti asconde Quantu hai vistu ghjente mancu tù ùn la sai Ma adopri pacenza è senza stancà mai Porti u peregrinu à scorbe u Niolu Cullendu à passi dolci à fiancu à fiume Golu Sì di caldu chì brusgia à sin'à a ferita Quandu à e sciappitane a statina t'invita Di i to ghjarganelli quandu viranu sbuccia Si movenu e spisce da u ponte à Cuccia Sì di cotre lucente à l'ore inguernarecce Nant'à i to sciappali si spechjanu e trecce Di isse stelle fughjite induve nimu ùn sà Elle sò l'infinitu, tu sì l'eternità
		REAME MEIU (Ghjuvan-Claudiu Acquaviva/Ghjuvan-Claudiu Acquaviva-Bruno Coulais) Reame meiu, reame ma Più s'ammansa lu tempu Più mi sentu cantà Só bramosu è impaziente Di spalanca cum'è un' infierì Reame meiu, reame mì Reame meiu, reame mò A' l'orlu di la to ghjeva Mi staria ancu à paccarò Aghju giratu tantu Per infattà ti custì Reame meiu, reame sì
		AFFRESCU (Marcellu Acquaviva/Ghjuvan-Claudiu Acquaviva-Akhenaton-Bruno Coulais) Stu tribbiu chì u ventu hà purtatu luntanu Storia di l'omi andati privi di u so ribombu Figlioli di un matticciu chì una sciabula hà tombu Cascati in u furore di e mosse chì sanu Quant'ell'hè dolce è lindu u tempu di e speme Una sapara casa duv'è passasti l'anni A l'anni accatastati da ghjunghje sin'à noi E le petre pisate cum'è stelli d'eroi Da omi à tesse nebbie da omi à parà danni Una cù l'altri nati in core à noi insieme E cispre cù l'arcusgi è l'acciaghju murtale U fiume chì trascina a libertà culpita I morgani ind'è l'ochji chjosi nantu à vita E u sole chì more nant'à un vechju sciappale Da fà pienghje la terra da fà li dì ghjasteme L'oramai chì hè di punta à l'aghja nova Tuttu impastatu à sonnii è à lascite antiche Quandu si cala u sguardu è vede e vistiche Di un passatu chì indetta una storia ritrova Ingarmigliata tutta à ondere è à gemme
		TRA NOI (A Anton' Francescu Filippini) Marcellu Acquaviva/Ghjuvan-Claudiu Acquaviva-Bruno Coulais) Issa lingua di i mei grazia à voi fù quella Chì incantava le sere di a mio zitellina Issa lingua di i mei grazia à voi fù bella Quant'un'alba di maghju, un sfogu d'albaspina Trà noi ci fù lu mare è u tempu chì u face Trà noi li bisesti di e guerre orrende Ma ci fù da fà ponte a musa ch'ùn si tace E parolle di focu, e splendite lucente Pienghje u Murianincu u so figliolu persu Pienghje a Corsica sana quellu chì si n'andò In paese di Dante à mantene u versu Di quelli di una volta, quelli antichi maiò Qualsiasi lu locu, u fiume, u paese Ch'è vo travirsarete in sonniu dopu a vita E brame di u meiu à e vostre sò appese Da fà compia sta notte chì dura senza lita
		DORMI (Ghjuvan-Claudiu Acquaviva/ Ghjuvan-Claudiu Acquaviva-Bruno Coulais) S'hè intratalatu lu ghjornu S'ammansa folta, la notte Più sole, più cennu, più sorte, Dormi Mì chi s'appiccianu l'ochji E m'aghju da stà quì à vighjà A invintà ti tesoru, una scuruzzulà Dormi Dormi ciuccia dormi ghjà Cum'ellu deve pienghje è cantà Brame, u rè chì n'ùn ebbe U rè chì n'ùn ebbe U rè chì n'ùn hà Dormi Senti, a mo pelle, senti A mo rima hà da stancià Dà li tù un basgiu prima cà parte Eppò dormi, ciuccia, Dormi ghjà
		SI (Ghjuvan-Claudiu Acquaviva/ Ghjuvan-Claudiu Acquaviva-Bruno Coulais) Sì di granu a mio casa, di granu Fragatu da l'antivistu sole Chì puru di tè n'ùn seppe nulla Sì fola u mio granu, di fola Innamurata à bagnu Sott'à e spisce di qualchi rè vadu Sì fumaccia a mio fola, di fumaccia Appinulata si in l'albitru Chì sgotta bachi da prucaccià Sì cesta a mio fumaccia, di cesta Sulcata di e dite in partanza Ver'di u sbulinchjatu tempu Sì fanalettu a mio cesta, di fanalettu Spittinatu chì scrive a so stella A i marinari imbariati è soli Sì donna u mio fanalettu, di donna Apparinata è nesca In tresca venghinu l'ore !
		TEMPU (Ghjuvan-Ghjaseppu Franchi/ Ghjuvan-Claudiu Acquaviva-Bruno Coulais) A vita lega à corda lena Vanu le stonde par vultà L'ora si chjama libertà More la gioia eccu la pena U tempu corre à corda lena U tempu corre à brilla sciolta Porta l'amichi è lu piacè Si ne vanu luntanu da tè Quelli d'oghje è quelli d'una volta A vita fila à brilla sciolta A vita fila à quella volta E tuttu strappa à longu andà Forse si chjama eternità L'ultima stonda chì rivolta U tempu lega à quella volta
		L'ATTESA (Marcellu Acquaviva/ Ghjuvan-Claudiu Acquaviva-Bruno Coulais) Una ripa di terra in core pè l'eternu E stu surrisu caru voltu versi l'avvene Un passu chì andarà senza più malapena E l'ochji abbagliulati nantu à u mare paternu Quant'hè strana l'attesa Una sguatra di fiure più nere ch'è u dolu Un avvampu di focu chì affoga u respiru Tuttu ciò chì si more senza oncia di rigiru Ogni cennu di vita chì varca u celu novu Quant'hè strana l'attesa Un sonniu malandatu chì chjama u terrore L'ingannu è u vituperiu in tresca pè e cime U ricordu annannatu da le to ore patime E u to celu chì piglia u versu di u chjarore Quant'hè strana l'attesa Una ripa di terra è un branu di sole A vistica di ciò chì sbramò l'infelice Quand'eiu ne rimiru a mio terra à l'arice Di iss'ombra meia nata quandi à ella s'annoda Quant'hè dolce l'attesa di tè
		A L'ALTRU MONDU (François Vincenti/ Dominique Vincenti) A l'altru mondu U tempu hè longu Ci stà l'eternità E m'hà pigliatu A tempu natu Di mè chì n'hà da fà O cara mamma U paradisu Hè grande cum'è tè E s'è ti chjamu A l'improvisu S'arricummanda à mè Santa Maria A to sumiglia Un nu mi lascia più E mi cuntentu, è mi ramentu Cum'è s'ell'era tù Ti mandu un fiore U so colore U scegliarei tù Hè ind'è u pratu Di u Muratu Ch 'ellu face u più S'o fussi eiu Frà i più belli U cuglierebbe à tè Ma stocu in celu E i to capelli Sò luntanu da mè Ma i t'allisciu Cù Ghjesu Cristu Chì sà quale tù sì E mi cuntentu E mi ramentu E megliu, ùn possu dì Un piglia dolu U to figliolu Cù l'anghjuli stà bè E sò ch'o vogliu U mio custodiu A sà prima cà mè Quì l'aria fine cum'è puntine Cosge senza piantà Ore tranquille A mille à mille Senza calamità A l'altru mondu Canta u culombu E paura ùn ne hà Pè cacciadore Ci hè u Signore O Mà, ùn ti ne fà !
		MEMORIE (Anton' Francescu Filippini/Ghjuvan-Claudiu Acquaviva-Bruno Coulais) I giardini ch'o aghju passatu Oghje mi parenu un desertu U ventu ci corre à l'apertu Spulendu rena d'ogni latu L'acqua hè sparita, ogni libbiatu S'hè intisichitu è u core incertu Dice " Aghju gosu aghju suffertu Fattu e mio lotte o sunniatu ?" Di tanta vita Un hè ristatu A a memoria Ch'è una visione Impuverita Di tant'amori Un nome o dui E' di u tribbicinu ch'o fui U ricordu D'una ferita
		VISIONI CARE (Anton' Francescu Filippini/Ghjuvan-Claudiu Acquaviva-Bruno Coulais) Ancu s'o ùn videraghju più La mio terra prima di more, A mio patria a mi portu in core E l'aghju sempre à tù per tù Vegu u so celu gonfiu è tesu Cum'è un preziosu ballachinu Sopr'à i paesi lu marinu L'empie tuttu è l'alza di pesu Vegu e so coste innargentate Ch'ella riccama l'alga nera ; Vegu e so cità chi di sera Hanu voci d'innamurate Vegu e so machje chi l'imbernu Lascia intatte e si ne cummove; E so canalette e le piove Chi danu à l'orte un bon guvernu Vegu achjustrati i so pughjali Cume cervi in listessa banda E u ventu pazzu chi commanda U focu infamu è i tempurali E vegu l'omi è le zitelle ; À chi m'impreca, à chi mi ride, A chi mi feghja é ùn ci decide Poi, pensu à cio chi ci divide O core, inchjoda e to bulelle !
		A DÌ TI DI TÙ (Ghjuvan-Claudiu Acquaviva / Ghjuvan-Claudiu Acquaviva-Bruno Coulais) Cenere, venti è vite à caternu Inserciditi li cori chì chjamanu in darnu Ma l'amore ci fù Ed' hè firmatu, principessa A' dì ti di tù In li tio passi incerti ver'di e bracce sparte C'hè Mammata chì ride, Mammata scumparte Tepidi sonnii è grazie tante Chì t'avvignanu, principessa Da ch'elle sò tamante Annant'à qualchi vechju quaternu Eccu ti mintuvata, Tesoru Da Barbirossu lu cecu, U primu amante d'oru A basgià ti la fronte sò scalati li ghjorni E centu rè misteriosi anu fiuritu i cuntorni A so trifuna và, Bramanu è cantanu, principessa Da chì e stelle vantanu Criaturella in anda, mi sì soffiu d'età A l'appossu di a mio preghera, la ti vesti felicità Venghinu tempu è ore A fà ti donna, principessa D'una zitella in pettu, ci aghju da tene u core Annant'à qualchi vechju quaternu Eccu ti mintuvata, Tesoru Da Barbirossu lu cecu, U primu amante d'oru
		CHJARURA (Marcellu Acquaviva / Ghjuvan-Claudiu Acquaviva-Bruno Coulais) Passatu m'aghju l'anni à circà in le nebbie Lu mio rispiru primu, fraterna rimembrenza E avale a sò mi n'anderaghju senza Sò stu cecu chì và è nulla n'ùn pò leghje I tò guiai sò mei a tò pena listessa Le tò gioie le m'aghju à fiancu à l'oramai Stò chjosu ind'è isse ripe duv'è tù ti ne stai Tù chì viaghji dinù in a bughjura spessa E tribbiere sò compie e guerre sò finite L'eroi sò andati à visticà lu ventu Sò corse l'acque linde da l'altu di u pientu Sò corse l'acque linde da l'altu di u pientu Sò ghjarghje le to mure sò paci le to lite A mio vita hè appesa à i destini umbrosi Libari l'orizonti à e partenze spose
		DI CORSICA RIPOSU (inédit)
		MEDITATE (Primo Levi/Ghjuvan-Claudiu Acquaviva) Meditate che questo è stato : Vi comando queste parole. Scolpitele nel vostro cuore Stando in casa andando per via, Coricandovi alzandovi ; Ripetetele ai vostri figli.
		L'ECCLESIASTE Una leva tira avanti è un'antra li s'affacca E' a terra, ella, hè rimanenza sempre. Si pesa u sole, si ciotta u sole E' i so suspiri sò i ribombi senza più fine Di tanti giri è rigiri di solu. Move u ventu à miziornu, trinca u ventu ad'ambarscia Eppò volta è torna à piglià e so vie prime. I fiumi tutti si lampanu in mare E' u mare ùn hè rughjulu, E' i fiumi sempre battenu a so trifuna. Di iu più anticu si ne scordanu l'omi E' ciò chi accadarà ùn lasciarà vistiche E' viaghjanu tercane e nebbie à e nebbie intricciate. Ma dolce hè a luce è dolce hè assai à l'ochji di fidichjà lu sole. S'ellu uinvechja cent'anni un omu Ch'ellu si ne rallegri di tamanta vita Ma ch'ellu ùn si smintechi di i ghjorni tenebrosi à vene Chì tuttu ciò chì vinarà ùn sarà cà nebbie annose A' nebbie nove ingarmigliate.
		FIGLIOLU D'ELLA Figliolu d'ella Sì figliolu di meiu In le bracce d'ogni vuciata In l'ochji d'ogni aspiterra O tempu di macera Figliolu d'ella Sì figliolu di meiu Ragiu tepidognu inciartatu Frà l'arrivinte di u sole O tempu di fole Figliolu d'ella Sì figliolu di meiu Quand'ellu scaglia marzu In boccamanzuli d'erbavinca O tempu chi trinca		macera : ruine tepidognu : tiède erbavinca : pervenche trincà : tourner
		REX Rex tremendae majestatis Qui salvandos salvas gratis, Salva me, fons pietatis. Recordare, Jesu pie, Quod sum causa tuae viae, Ne me perdas illa die.
		LE LIBERTIN
		GLORIA Gloria in excélsis Deo Et in terra pax homínibus bonæ voluntátis. Dómine Deus, Agnus Dei, Fílius Patris. Qui tollis peccáta mundi, miserére nobis. Jesu Christe, Cum Sancto Spíritu in glória Dei Patris. Amen.
		EXORCISMUS Exorcizo te Omnis spiritus immunde In nomine Dei Exorcizo te Alleluia Dominus dixit ad mea filius
		VIA CRUCIS BEATI (Vangelu sicondu à San Matteu) ... Beatu à chi cumpate Arricarà a cumpassione Beati i limpidi cori Saranu à vede à Diu Beati i paceri Saranu chjamati figlii di Diu
		INTANTU (2002)
		PAGHJELLA (Tradiziunale) À manu dritta ci hè Guegnu Di Monte Cintu figliolu Chì ci sparghje u so regnu Da Calinzana à Niolu Ci corre pè li so monti A musa di Pampasgiolu
		L'ANNIVERSARIU DI MINETTA (Tavagna) Per tutti l'anni chì sò scorsi Per le to gioe è le to pene Per li fatti è li discorsi Per lu sangue di le to vene È per la to mimoria cara Chì luce sempre in core à mè Vogliu gode ogni stonda permessa Vogliu gode la per tè Per li to ochji à la funtana U t'amore immensità A cara santa nostra mamma Per l'oghje è per l'eternità È per la to mimoria cara Chì luce sempre in core à mè Vogliu gode ogni stonda permessa Vogliu gode la per tè Tù si la mio surella cara Quella ch'è nata à tempu à mè È si di mè stai luntana Seraghju sempre accantu à tè È per la to mimoria cara Chì luce sempre in core à mè Vogliu gode ogni stonda permessa Vogliu gode la per tè
		A CANZONA DI A MALATA (Ghjuvan Pasquinu Acquaviva) Pigliu una penna eppo à scrive mi mettu In puesia à dipigne stu sugettu D'ùn esse più furtunatu di rime quantu rigrettu Pè spiicà quelle pustura di a figlia ch'era in lettu Collu e scale è pighju à l'usciu chjosu S'affacò tandu un sguardu luminosu Dicendu " cosa circate, amicu cusì pietosu ? " " Cercu à vede a malata " subitamente risposu Mi disse allora " hè pressu chì vinite, Cù pena in dolu à lu male currite Soca voi, a malata, di moltu a cunnuscite Aspittate ch'o a parli pè dì li qual'è vo site " Entrì in la stanza è fece sta riclama : " Ci si hè un tale chì di vide ti brama S'è tu lu voli riceve hè prontu pè la tò chjama " Tandu da par mè sintiu " Dite li ch'elle entri o Mamma " S'apre in un colpu di a stanza a sarratura Entru è salutu cun tutta a primura E' poi stesu la manu à l'angelica figura M'apparì guasi lu pientu videndu la so statura Cusì m'intesu allacià lu mio core Videndu soffre quellu limpidi fiore U m'avaria chjappu eiu oiuttostu lu so dulore Ma quessa ùn pudia fà la ci crede mi u Signore Di tantu in tantu lintava un triste lagnu Chì suminava in mè vilenu pagnu O dipoi stu ristorbu ùn ne riposu è più n'ùn magnu Era inundata di larme la so stanza Quand'è li dissu d'ùn perde la speranza Ch'è li purghju la manu priparendu la partenza Ma sempre prichendu à Diu ch'ellu li dessi bona scianza A mi lacaiu viva pè u mumentu Poi partiu cù lu core scuntentu Quelli suspiri lagnosi divintonu per mè spaventu Durante lu mio caminu aghju vuceratu è piantu
		COSE VISTE (Anton' Francescu Filippini/Ghjuvan-Claudiu Acquaviva) Ùn so ancu centenariu Ma m'è toccu à vede cose Chì l'idèie più diritte Mi si parenu ritrose Ben ch'eo tenga a stammi solu E ch'eo schisgi le cumbotte, Aghju vistu copre cani È spugliassi ghjuvanotte Aghju vistu deputati Aghju vistu senatori Fà vutà i murtulaghj Senza teme inquisitori Aghju vistu burlamondi Tende trappule ai turisti Nigà pane a li rimiti E fà pranzi à l'anticristi
		PASSIONE (1997)
		U LAMENTU DI MARIA (Marcellu Acquaviva/Ghjuvan-Claudiu Acquaviva) O sianu li me ochji a manu di Diu maiò' vinuta à a fronte toia da ambata di vita. Lu me dilettu dolce, la me carne ferita sia di ricordu sempre - u locu induve mi stò, dund'hè corsu u to sangue in la sera tradita a pede di a tò croce l'umanità in crucco. Lu tò arsente sguardu chì di u sole fù branu eiu l'aspittaraghju per u sò vultà gluriosu incù 'ssu passu lebbiu issu visu mai rosu aspittaraghju à tè - lu tò dettu tercanu suldatu di l'alte paci, figliolu cimintosu l'anghjuli appressu à tè in longu stolu vanu. Cusi negri i niuli cullandi à l'Oriente, e scuru u punente chì impanna stu mondu ne si nanta à una croce è tuttu ti stà di tondu più n'un hè lu tò sguardu - bramosu è spampillente in la sò strana mossa leva una baraonda mentre stai cusì chetu vincitore dulente. Cume u celu s'hè greve è cume a notte hè fosca mantu negru chì balla ind'è l'anima meia ti gardu caru Ghjesù è a to sorte attosca tutta l'aria chì ingira - issa vechja terra ebreia è si ne và luntanu à chjamà in a tò bocca chì hè ventu d'amore in la tenebra reia. Di sopra à a tò fronte corsa hè una culomba è una nebbia grisgia calata hè addossu à mè. T'hà fattu lu Rumanu di sta croce una tomba, tù chì lampavi in terra u pesu di l'ohimè di a tò carne viva ùn ferma più che ombra una cota chì lagna - cerca sempre u perchè O caru lu me figliolu, Diu di pelle umana omu chì si ne more in l'attese cuncolte vinutu à sole altu per riscattà a notte più n'ùn batte stu core di cotru hè la to manu un pocu di u tò sangue nantu un farru rumanu hè diggià una fiumara - chì trabocca a morte. Oramai mi ramentu sta notte di Betleemme mi ramentu u tò visu a tò parolla nesca le stantare di toiu chì funu tante gemme poi ste tenebre oghje in fronte à Gerusalemme o tù chì sarè dumane quell'acqua chì rinfresca un core in lu nivone - chì brusgia quant'e l'esca.		ambata : souffle, brise arsente : brûlant lebbiu : léger tercanu : incomparable cimintosu : courageux stolu : cortège baraonda : déluge grevu : pesant attoscà : empuantir, empoisonner riscattà : racheter fiumara : fleuve en crue traboccà : déborder nescu : seul esca : amorce
		A L'ALIVETU (Ghjuvan-Claudiu ACQUAVIVA) Affanatu sò da l’ore chi vanu in mente E cercanu à pasponi trà chjasse vechje è patene Donne calusgiule, omi venti E veduve cità à mai spanticate Da u spietatu tempu Aghju barcatu l’anni A core datu, à mani tese Vistu malanni è tarre arrese Oghje t’avvedi o la mia vita Chi strada un’era infinita ! Padre s’avanzanu l’ore Ver’di e sante scritture E’ l’abbrucata avvigne Mentre u mio core si strigne M’addondanu le to primure		affanatu : angoissé, oppressé à pasponi : à tâtons patene : vestiges spanticatu : détruit barcà : parcourir abbrucata : le crépuscule primura : soin, attention
		U SIPOLCRU (Ghjuvan-Claudiu Acquaviva) Hè bellu cà ghjuntu à fine U libru di e scritture È u mondu s'addurmente In e pessime fritture Ci eri tù, omu sperava Dì o Diu dì mi la strada T'anu allacatu in a tomba Ch'è tu possi arripusà Ma un pintone ci impedisce D'esse vicini à vighjà Pè pienghje lu to suspiru Pè chere u to perdunà Ùn credu chì Pediniella Sia forte quant'è tè Tù chì cummandi à lu ghjustu U puvarellu è u Rè Ma to luce più n'ùn vecu Sò orfagnu è mi n'avvecu
		GHMERTO Ghmerto, Ghmerto mozkaleo Nu mogvakleb schezevnasa Eris kopna, mterta dsleva Ghmerto marad gagvimtkize
		UNA TARRA CI HÈ (1994)
		UNA TARRA CI HÈ (Ghjuvan-Claudiu ACQUAVIVA) Una tarra ci hè per voi Di lacrime d'invernu D'ore chì vanu in darnu E' di luce chì piglia fine Toccu Sittembre, dolce cunfine. Una tarra ci hè per voi Di sarre impaurite Di carghji annant'à e dite Omi in tana è frastoni Quandu s'incroscanu i toni. Una tarra ci hè per voi Fragata da l'arsure Brusgiate da e cutrure Spusalizia d'Eternu Trà notte è fede, è infernu. Una tarra ci hè per voi Di mare, monde è disertu Di sfide è danni à ch'ùn hà apertu E calle di l'amicizia Una tarra ci hè ... Divizia !
		TRÈ (Ghjuvan-Claudiu ACQUAVIVA) Da ghjorni in quà piuvia annant'à i chjassi E si sintianu i so passi Accarizzà e tarre crosce Ripigliu : Ad arricoglie u suspiru So ghjunti, eranu trè : Un frate vechju, un'ombra è un rè L'anu visti i paisani francà i ghjargali è e mure A l'albighjà, à l'ore mature A'salmi' scuri mutulati. Ripigliu E bande di cignali abbadavanu arrese U rispiru di quelle stese Persu ind'è e valle piatte Ripigliu Daret'à a vulelle chjose, tanti panni so' à asciuvà Qual'hè chì i pigliarà Fintantu ch'elli ùn so' passati Ripigliu
		È PURU SIMU QUÌ (Ghjuvan-Claudiu ACQUAVIVA) Timpeste d'Oriente È straziata ghjente È puru simu qui ... Genuvesi i cummerci È mattane di tempi guerci È puru simu qui Crucetta assuffugatta È brama crucifissata È puru simu qui ... Francisata feroce È populi senza voce È puru simu qui ... Quatordeci ùn li dicia Tant'anni di caristia È puru simu qui ... Partanze è spalluzere È sole ch'ùn dà più spere È puru simu qui ... Cità di u San Rimore Ruchjate senza pastore È puru simu qui ... A' e lenze di l'abbandonu A machja chere perdonu E' puru simu qui !
		EO SAI (Ghjuvan-Claudiu Acquaviva) Eo sai saraghju qui Pè chì mimoria toia Abbia sempre una lenza da annacquà Un sole da ragighjà Eo sai saraghju qui À parà ti lu tempu Chì hà da zuccà e fronte À porghje ti a e volte e mio riviglie tonte A sente ti centu è più cose di' Eo sai saraghju qui Eo sai saraghju qui Ad'apprupinquà i ghjorni Pè chì u viaghju Ùn si fia in un travintaghju Eo sai saraghju qui Quandu strughje l'ultima neve E chì Golu fattu si ne hè zergosu Da l'anni sbrembatu ma silenziosu A sente ti centu è più cose di Eo sai saraghju qui.
		A MUNTAGNERA (Marcellu Acquaviva/Ghjuvan-Claudiu Acquaviva) Ch'ellu si n'hè scorsu maghju sarà più d'una simana : approntati, o capraghju ! a'lascià piaghja è calmana ch'ai da fà l'altu viaghju dopu ghjuntu in Barghjana. Avvedeci, o Falasorma ! Cù i parenti è l'amichi Sempre liati à Niolu per e gioie è i castichi da Montestremu à u mare avemu listessi antichi. Sbucarrè in Caprunale Guardendu da altu à bassu supranendune à O'mita è a funtana di u Tassu basgiati a croce nova chì a vechja ùn s'hè più trova. Eccu a Mirindatoghja, ti riposa di a cullata ma fà casu à a capra ch'ella ùn si sia sbandata se tù voli esse in Puscaghja tranquillu pè a nuttata. Dumane, à tempu ghjornu, (a cunosci quessa, a scola) crisciaranu e fatiche nanzu d'esse in Bagnarola. Di scopre a valle di tuda tutt'ogn'unu si cunsola. Dopu so i radi à Noce ; bassighjendu à e Pratelle t'avviarè più sicuru verdi l'acqua di e Castelle nanzu d'esse à u Muricciolu sarà croscia a to pelle. Eccuti nu a Spilonca. Custi a banda si punta indu a mandria è aspetta chì hà bisognu d'esse munta. A datti un colpu di manu a to ghjente sarà ghjunta. U terzu ghjornu à la mane ti n'andarè vulinteri in Sesta o Petra Pinzuta Biccarellu o à Tileri ; più che mai ghjunghjaranu à l'abbordu i fristeri. Avà chì ai righjuntu di l'istate u rughjone di tantu in tantu in paese affacati à l'occasione poi ùn mancà a to festa a mane di Sant'Antone.
		SÒ L'OMU Sò l'omu Quellu di i ghjorni senza ragioni Di e notte senza lucenda Di a calmana tremenda E di u fretu senza fuconi Sò l'omu Invichjatu in un cantu Di tè innamuratu forse Chì faci lu mio percorsu Veculu è Campu Santu Sò l'omu Fruttu di un paese D'una radica nudosa E' a mio stella hè ascosa Sott'à lu to bilese So' l'omu D'una storia à mai scritta D'un' oceanu verde Di cio chì più n'ùn si perde D'una brama ch'ùn s'azzitta
		MALANNI (Ghjacumu FUSINA - Ghjuvan-Claudiu ACQUAVIVA) Disuccupatu sò pè la campagna E mi ne vo pè i so chjassi, solu Fighjendune issi lochi di cuccagna E aspettendu a notte in paisolu Ripigliu : I mio pinseri sò a l'amarezza A l'avvacinu à la malincunia E mi stantu à cunservà la saviezza Chì più d'una volta si n'anderia Disuccupatu sò pè la citane E mi ne vo pè i carrughji, solu Fighjendu e vitrine à robe vane E aspettendu di l'ore lu scolu Ripigliu Disuccupatu sò pè a stagione E mi ne vo da casa solu, solu Or chì vulite ch'aghja una passione Da turnami un antru omu à piglia volu ? Ripigliu Disuccupatu so ma chì vulite ? Travaglierebbe anch'eiu s'io pudia A mè ùn mi circate tante line Ch'ùn m'arricordu più di cio ch'è l'alegri
		FIURE (Marcellu Acquaviva/Ghjuvan-Claudiu Acquaviva) Un vascellu tontu è un marosolu mossu cum'è tela slibrata à un sguardu chì conta u stampu di una smossa, Ed eiu à mezu à quessi urfagnu di memoria calpighjatu in l'andà di li ghjorni prumessi mare di l'anticoriu. Un cunvugliu umanu persu in lu rambusciu mez'à e bughje vite passu di ultimu usciu E' u tempu s'hè ammansatu adossu à i mio passi cum'è a neve in foce quandu mancu une voce più n'ùn vole sgabbiassi, Un vascellu tontu marosulu di miseria imagina di un'alba mentre a mio carne calda n'ùn ghjetta chè materia.
		L'OMBRA MURTULAGHJU (Marcellu Acquaviva/Ghjuvan-Claudiu Acquaviva) D'asprura s'hè fattu lu raghju di a tarra hè biancu lu sulaghju l'ore si so triste è pisive un ombra corre trà e campive. Cutteghja l'anima svanita si lenta à suspiri a vita sbuleca machja è sipalaghju vene à chjamà u so fuculaghju. Nascenu ughjulu è abbaghju in e chjose negre pagne ruspa è rumena e campagne si insanguineghja lu caghju. A notte stende lu so imperu sgotta à bughjoni l'ultimu seru fala u vadu fuma u pagliaghju è l'ombra scompie lu so viaghju. Cantanu in celu e più pietose cantanu in pienti, voce angusciose, di u ventu s'apre u cataraghju à u passu di u murtulaghju ...
		A' L'ACULA DI CINTU (Ghjuvan-Claudiu Acquaviva) U Cintu hè lu to core è ne conti e so strade sò petre accumpulate poste pè ch'omu capisca quant'elle sò belle l'ore. Niolu hè la to mente fiurita à paisoli quanti vechji si sò soli à l'entre di a so notte ma, tù ci sì cù la to ghjente. U tempu s'hè firmatu in e sepe à rifiatassi e so corie, è so' bassi à infierì li to detti d'omu acula beatu. Vidarei u nostru ghjornu ùn po' esse cio' ch'omu crede una casa senza fede turneranu e friture e sarà caldu ogni fornu. A' quelli chì' una sera indè tè fecenu cena li ai datu una penna pè ammintà la to storia l'amore d'issa terra.
		DA GRANDE (Marcellu Acquaviva/Ghjuvan-Claudiu Acquaviva) Sappia oghje quale so' è cio' ch'o saraghju grande saraghju cum'è babbo' rè di le muntagne bianche. Un campagnolu curtese cu la mio mamma Natura un pasturellu di paese passi d'elpa è di pianura. Vogliu avè mille animali pecure, capre è vaccine senza calle nè stazzali senza rete nè cunfine. Solu avè un barracone grande guasi cum'è un mondu pè nasconde à la stagione e mio bestie tutte in tondu. Cum'è amiche, altagne è volpe cum'è manghjà, frutta è acqua cum'è tettu, stelle è sole chì in l'erba l'aria si stracqua. E' dinù per l'istatina fammi tante mirendelle pè le valle è le culline cù millaie di zitelli. E' po l'ai ben' capita chì vinarai incù mè è inseme in la vita ne seremu regina è rè.
		AB ETERNU (1992)
		SUMIGLIA (Marcellu ACQUAVIVA - Ghjuvan-Claudiu ACQUAVIVA) S'hè distesu ind'è l'aria un affannu di morte E' so fatti di marmaru i visi sottu à lu sole So d'abissu i silenzii è in pulvina e fole U mondu incrudelitu sbattutu hà e so porte Caminerà ab eternu issu stolu senza fine Cù a to sipultura sdresgiendu ogni bagliore E' chì facia ruvidu u trimendu dulore Chì rode u campà à iss'ore visparine E' stu sole di nuvembre annantu à a to bara Sarà ora oscuratu è ora maestosu Ma turnerà dinù di issa terra u sposu Cun ellu vulterà a to mimoria cara Di tè mi fermerà più chè un visu culpitu Più chè un dolu pisiu colmu di mille pene Mi fermerà u vede di 'ssu spaziu infinitu Chì lu to passu scrisse à stampi pè l'avvene Mi fermeranu e voci chì à l'altare s'alzonu Per invade sti celi cun parolle di cera E' chì correnu in mente tale un furiosu tonu Chì và è ne scumpone a matina è a sera E' quandu in tempi à vene invechjerà u ricordu Ogni palmu di sta terra si purterà à l'iglia Un sonniu fattu veru chì in un intimu accordu Di tè si n'averà qualchi fida sumiglia. A' Ghjuvan Battista Acquaviva		sumiglia : ressemblance affannu : angoisse bagliore : espoir visparinu : vespéral bara : cercueil
		A’ U VISU DI TANTI (1989)
		ANIMA (M. Acquaviva - J.C. Acquaviva) Addossu à li tristi balli Di e fiaccule appese Trà li so mattoni caldi Trà stelle fucace arrese Addossu à li negri arali Natu à boscu in centu lochi Cum'è cantanu i fochi Quandu sò i timpurali l'anima di u legnu và. In l'abbriu di e stagione Ch'andarà cun ellu ando' Quale ùn stete à paccaro' Quandu sbottanu li toni L'anima di a terra và. é quandu da luce à ochji In le sere assirinate Lu ricordu nant'à i rochji Ci si lascia e so spiate L'anima di a vechja và.
		LAMENTU DI GHJESÙ (Marcotorchini/Nandu Acquaviva/Toni Casalonga/Roccu Mambrini) O tù chì dormi in sta petra sculpita d'avè suffertu da colpi è di ferite dopu d'atroci martiri persu hai ancu la vita, oghje riposi tranquillu a tò sufferenza hè finita. Ma eo sò ind'una fiamma ardente brusgiu è mughju tuttu ognunu mi sente, sò i lamenti di i cumpagni è d'una mamma i pienti chjamu ancu à Diu supremu ci ritorni stu nucente. E fù per quella cun spiritu feroce da tanti colpi è viulenza atroce chjodi à li mani è li piedi, quessi t'hannu messu in croce, o Diu da tante sufferenze fa ch'eo senti a tò voce. Oghje per sempre tutta questa hè finita, avà sì mortu hè persa a partita, oramai in Ghjerusaleme a ghjente hè sparnuccita vergogna ùn ci ne manca, morte sò a fede è a vita.		sculpitu : gravé mughjà : hurler nucente : innocent sparnuccitu : dispersé
		PUETA Pueta di i tempi andati Teni li to mani accolti Comu hè chè tù ùn volti ? Cù li to canti suminati Pueta di li ghjorni d'oghji Alzi la to voci chjara Chi ci chjama è c'impara Ë discità tutti i poghji Tutti i poghji. Pueta di u cori d'omu Chi tù ùn sè mai domu Di bramà a libartà Da tutta l'umanità. Pueta di a vita à vena Lampi lu to sgridu rudu Chi lascia lu mondu nudu In preda à tanta pena, Tanta pena. Pueta di u locu vivu a vita à vena Viaghji li stradi novi C'insegni à fà i provi ôn lascendu à nimu privu Nimu privu.
		IN L'ABBRIU DI E STAGIONI (1987)
		DI L'AGHJE L'arice di i nostri paesi Appossu à tanti sudori appesi Stanu l'aghje. Duve un partu dede a tribbiera Di e mannelle sin'à a spulera Eccu l'aghje. Opare di un'antica fede Ë quale listroni li si cuncede Oghje l'aghje. Ma rifà dumane rinvivi Cio' chi e fecenu innargugli Per chi l'aghje. Per chi u spunt di un novu sole ùn si trovinu mai più sole Tutti à l'aghje, Tutti à l'aghje.
	MA DI CIO CHE TU VOLI Ma di cio' chè tù voli Hè bella a nostra terra Da e so cime à i moli Da e so cime à i moli In centu riturnelli Ci cantanu l'acelli Hè finita la guerra Hè finita la guerra. Ma di cio' chè tù voli Chi si stà bè in paese Quand'ellu ùn s'hè più soli Quand'ellu ùn s'hè più soli é ch'omu s'addunisce In amicizia lisce Ë bandere palese Ë bandere palese. Ma di cio' chè tù voli Li ferà pro' l'avvene Ë i lochi muntagnoli Ë i lochi muntagnoli Si quellu chi ci spera Face girà la sfiera Di e so inghjuste pene Di e so inghjuste pene. Ma di cio' chè tù voli Chi d'oddiu ùn si capace Un ghjornu ti cunsoli Un ghjornu ti cunsoli é ti vene à u core Un surrisu d'amore Dolce quant'hè a pace, Dolce quant'hè a pace.
	MARE ETERNU E to bocche sicrete chi ingullinu i venti E gruppate figliole di i scunnisciuti pienti Anu putere à di l'oghje è l'antichità Tralasciate ch'elle funu da l'umanità. Ma quandu a luna t'accarrezza Purtenduti i so ragi fiuriti Di fole è storie favulose Cun nave è vascelli da a notte invintati. Tandu ti cali in core di a vechja surgente Di lu misteru chi nun conta più cunfini é t'empii di canti chi s'affundonu feriti Sott'à le to rivolte chi fermanu senza fine.
	OGGI Longu à a costa balanina Ind'una vechja cunfina Ci si vede un paisolu Ch'oghje pienghje lu so dolu Un locu abbandunate Chi senza ansciu s'hè firmatu. Sin'à lu mille nove centu ùn cunnobe un perdimentu é tantu l'ultime ghjente Lascianu e so case spente Solu stete un infelice Cugnumatu Frà Felice. Mai ùn pobbe accità Rompe a so fideltà é mentre anni è anni Nimu sparti i so malanni Per cumpagne una ruchjata é un esistenza scannata. In vechjaia fù custrettu Di lasciassi more cù tettu Ogg'insalvatichitu Agunizava arghitu S'ammutulinu e campagne Impatrunisce da l'altagne. Cortu ne fù u s'esigliu Chi u mischinenellu figliu Cumaccatu di stanchezza é rossu da a tristezza Vulto' un ghjornu lu spinu é morse impiaghjulinu. Ma à u ciuttà di u sole Quandu u celu di stelle bolle In la cappella sfundata S'alza una voce sfurzata Ch'in'ssu scornu nun si stice Ch'hè quella di Frà felice.
	SINTENZA PER TÈ In i strappazzi di l'oddiu C'hè nata oghje la so pigliata In e carchere di u dolu Falcina è u to figliolu si detenu bracciata. In i pienti di a spiccanza Si impii la panza, a viulenza In e rame di l'alte sponde Nascenu e fronde d'indipendenza.
	PÈ 'SSU DUMANE In lu rincintu chjasimatu Di li pinsamenti puri Rumperemu fondi è muri Per cantà lu liberatu. U zitellu inciambalitu Farà minui le so brame Nasceranu qui le chjame D'un dumane cuncipitu. E putenze d'un imperu Mureranu in ogni core é rinasceranu l'ore Carche d'animu altieru. Imbrisciarà la bandera Sopr'à li monti più vivi Pigliar fiatu in i cibi U cantà di a voce fiera. A sipultura di u spiritu C'innalzarà ind'è l'aria é la speranza unitaria Sbucciarà in lu stramurtitu. I seculi d'eri è dumane Intistaranu la pace Per un paese chi si face Mille sponde muveranu.
	U MULATTERU Rittu, rittu, o mulatteru, Si piatta l'ultima stella ! Intoppa'ssu cavizzone é fà una voce à Muvrella, Chjam'à Turcu è à Muvrone, Chi pascenu in l'arbicella. Piglia subitu'ssa frusta é la musetta pripara, Piglia la bona pruvenda Di la to mula più cara, Accendi lu to lampione, Sinno' saristi à la fara. Cerca umbasti è cavichjoli, ôn ti scurdà di la funa, Quandi castagne in musetta, ôn ne resta più manc'una, Addivizza pà la machja, Anc'à lu chjar'di la luna. L'ochju versi u capimachja, Quand'ellu pesa o misura, Ë quessu tù mulatteru, Paghi mese è facitura, Parchi quessu à duie mani, Una piatta è l'altra fura. Quandu ritorni la sera, Canta, canta o mulatteru, Fà, sente anc'à le to mule Ch'invece di stu mistieru, Brammaristi di direge, Di Francia lu ministeru.
	CUN TÈ (1984)
	CUN TE (M. Frassati - G.C. Acquaviva) Un parlaraghju micca per tè Donna di la piazza di Maghju Anna, Maria o Lucia temi ch'ùn sia compiu u viaghju Di tante vite à l'angunia Un parlaraghju micca per tè... Un parlaraghju micca per tè Amica di la Piazza Rossa Quand'è la notte senza stelle Copre di foscu la to mossa Chjama di speranze ribelle Un parlaraghju micca per tè... Un parlaraghju micca per tè O ombra di biancu vilata D'un paese ch'ùn si ramenta l'amore ch'è tù l'hai datu Si sente sempre la to pienta Un parlaraghju micca per tè... Un parlaraghju micca per tè Chi m'hai pigliu per la manu Per sunnia à un avvene Duve li surrisi saranu Sti fiori ch'ùn sò ancu à vene Un parlaraghju micca per tè... Ma parlaraghju cun tè.
	U MARE È U FIUME (G.P. Ristori - G.C. Acquaviva) O chjucu ! disse u mare Parlendu à un fiumicellu Ind'è mo acque chjare Minutu è miserellu Ti lampi, ghjochi, sparisci E poi m'inturbidisci. Guarda à mè, cum'è sò grande E pò cum'è sò prufondu Aghju acqua ancu à rivende E copru u mezu mondu Quandu in un scornu hè notte In l'altru u sole sorte. ... Ti portu disse u fiume U cantu d'u russignolu Poi dinò u prufume Di u fiore campagnolu Lampu ind'a to sciuma bianca A dulcezza chi ti manca S'ellu si secca ogni fiume Puru d'issi pari mei, Averia menu fume In trè mesi, cinque o sei A cosa hè più chè sicura Cambiara d'andatura ! Fiume, paesi, populi Ancu chjuchi è miserosi In stu mondu sò utuli Perchè anu certe cosi Ch'elle'un hà u più putente Piglia nota, è teni à mente !
	U TEMPU SCEMU E A VECHJA SERENA (B. Dolovici - G.C. Acquaviva) Un vintacciu stridaghiolu è ghjuntu, fattu Natale ; tracarcu di neve fresca, neve di lu Caprunale... Figliulone di l'inguernu sentia di timpurale una tinta vicchiarella si n'andava dirinata u vintacciu scaccanendu in carrughju l'hà lampata... a roba di lu so' saccu è partuta sparguglita ! 'sa vicchiuccia minutella l'ha puntata...l'ha struppiata ! a so' capillera bianca s'è disciolta, s'è... cappiata a cità, da cim' à fondu fù spazzata, schiaffittata !: l'emu alzata, la vicchiuccia ! ferita, murmutulava ! in casa l'emu purtata... u so' capu sanguinava e... lu ventu, ventu scemu sbaccunava, scaccanava fieru di la so' vittoria camminava, ughjulava cun' la vecchia mi so' statu... a so voce trimulava ! l'altru facia... l'abissu ! ella, persa... si signava ! stu ventu, stui ventu scemu accanitu a curava a vecchia da lu purtellu intrèpita... u guardava mugata da su dimoniu serena, spatinustrava !
	I PISCADORI E U MARE (ispiratu da una puesia di Pablo Neruda) (M. Frassati - G.C. Acquaviva) Ramentati una volta Quell'acula marina Purtata da u libecciu Chi curava a marina Ramentati le sponde Di la mio terra amata Di mille canti è gridi A l'ora di l'ambata Ripigliu Mare, Mare... Senti l'omi chi ti chjamanu Mare, Mare... Guardendu lu vastu oceanu Per vince fretu è fame O quanti piscadori Sulchighjavanu l'onde Spechju di tanti albori N'hai nutritu tante Ghjente di u fucale Famiglie per quale ormai Si move u timpurale Sia torna un amicu Un' mena micca tantu Ma dacci, Mare nostru Issu rigalu tamantu Apre a scatula verde Luccichente à l'intornu E' spone qui per noi U pesciu d'ogni ghjornu
	I MUFRINI (G.T. Rocchi - G.C. Acquaviva) Noi simu i mufrini Ghjunti da l'alte muntagne E chi s'appuppanu à l'alba Quella di e vostre brame. Simu di stu Paese E ci vulemu ingrandà Simu di stu Paese E ci volemu amparà Simu di stu Paese E ci volemu campà Babbi è mamme chi ete tantu Suspiratu à e partanze Statelu à sestu stu cantu Colmu di nove speranza O zitelli auropeani D'Africa à l'altre cuntrate Unimu e nostre mani E cantemu à piene labbre.
	CRIATURELLA (M. Frassati - G.C. Acquaviva) U ghjornu di lu primu pientu Ti vogliu apre lu mio core Ti vogliu di ch'issu paese Hè in cerca di u so prim' albore Dopu fughjite le gruppate E doup compiu lu furore. S'è tù scopri oghje lu mondu S'ella principia la to vita Ascolta o criaturella Cum'ella và quessa la vita Carca di venti è di fiori E d'acque chjare à l'infinita. Ti vogliu parlà una lingua Chi oghje hè guasi pruibbita ma chi ci porta ad alta voce Un' antru versu di vita Ella sarà per tè la luce Chi rende a strada più schjarita. Ti vogliu dà un ideale Fattu di rispettu è d'amore Per ch'issa terra è issa ghjente Scaccinu disprezzu è dulore E ch'ellu sbucci in lu to mondu U sole d'issu prim'albore.
	CUMPAGNU (dedicatu à Ghjuvanni Antonelli) (M. Frassati - G.C. Acquaviva) Spessu ti rivecu Mai ùn mi smintecu Cumpagnu Di la to prumessa L'aghju sempre à mente Tale un focu ardente Cumpagnu Fiamma di purezza Vola sopr'à le lecce è l'alivi O Culomba, l'azurru ai da striscià Per dicci chè no semu vivi E chi persu ùn avenmu, è luttà... T'anu ammanittatu Cum'è un scelleratu Cumpagnu Ghjittatu in prigione Notte angusciose Stonde dulurose Cumpagnu Ma spera Nazione Suffrimenti umani Per ch'issu dumane Cumpagnu Sia di dignità Issu cantu sta sera Si farà prighera Cumpagnu Luce di libertà
	AGHJU COLTU (M. Acquaviva - G.C. Acquaviva) Aghju coltu ste vellutine Per purtàledi in stu locu Aghju sceltu le più fine Culo' di u nostru focu So corsu per i viottuli Scumpagnatu dà u timore Abracciendu centu populi Figlioli di lu stessu amore So ghjuntu à core in manu Famitu pedi pulidrinu E lu to attu umanu Fù di giràmi lu spinu...
	VOGLIU (R. Coti - G.C. Acquaviva) Vogliu cantà pà i paesi Chi l'aligria hè in ogni core Quand'eddi ùn ci so più afesi E ch'eddu si spanna l'amore Vogliu ramintà tutta a storia Di lu me populu firitu Chi da sempri s'hè fattu gloria D'ùn essa mai pruibitu Vogliu tuccà tutti i vistici Chi fermani in u me locu E' di lu sangui so li vivi Chi so ghjirani in un focu Vogliu cantà tutti i passaghi Insinement'à lu tramontu Chi anc'avà semu mucati Senza avenni fattu lu coru Vogliu purtà tutti i dulori Ch'ùn si so mai sparasiati Com'è tamanti crepacori Ormai par sempri andati Vogliu bramà tutti l'avveni Tutti li gioii più duraci E' cù l'amicizia chi veni Firmà sempri à cori in pace
	O VITA (1982)
	A MEGLIU STA Spera sempre à megliu stà Ma u megliu in duva hè E quant'ellu hà da custà D'acquiste un pocu di bè. Indu e mane è pè u core Si chere sempre criscenza Sè un po di bè accorre Forse sarà una scenza. Ma po esse ancu un casticu Sè u core hè in cuntintezza So eiu chi a vi dicu Un circate altra ricchezza. Prima di l'Avè, hè l'Esse Pigliate so chi vi vene Di so chi un tempu tesse Fiori, pruni, gioie è pene. Fate à megliu pè u male Per un bè micca timori Hè una cosa naturale D'arricoglie i so fiori. Ma si un mazzulellu basta Pè raligravvi lu core Perchè vulè una catasta Di fiori chi s'anu da more.
	Ce chant raconte la répression féroce qui s'est abattue sur le Niolu après la bataille de Ponte Novu : une soixantaine d'otages désignés au hasard furent torturés et pendus aux châtaigners du couvent de Calacuccia sur ordre du général Sionville. Parmi eux, un jeune homme qui n'avait pas quinze ans... L'IMPICCATI (A Paghjella di l'impiccati) (Ghjuvan-Teramu ROCCHI - Ghjuvan-Claudiu ACQUAVIVA) Se vo' ghjunghjite in Niolu Ci viderete un cunventu Di u tempu u tagliolu Un ci n'hà sguassatu pientu Eranu una sessantina Chjosi in pettu à u spaventu Dopu stati straziati Da i boia, o chì macellu ! Parechji funu impiccati Ci n'era unu zitellu L'anu tuttu sfracillatu E' di rota è di cultellu Oghje chì hè oghje in Corscia Fateci casu una cria Si pate sempre l'angoscia Intesu di Marcu Maria Era quessu lu so nome Mancu quindeci anni avia Se vo' ghjunghjite in Niolu Ci viderete un cunventu A brama d'ogni figliolu A ci dice ancu u ventu Libertà libertà sempre Dopu à tamantu spaventu		impiccatu : pendu ghjunghje : venir sguassà : effacer spaventu : épouvante straziati : torturés sfracillà : broyer a rota : la roue una crìa : un peu mancu : pas même
	L'ORRIDA BESTIA Antenati impiccati Ghjudei assassinati Spagnoli fucilati Arabi turturati Rimori di catene (bis) E' miliani di pene Lu sonniu hè finitu E' mi so discitatu Sempre insunnulitu Mi so impurtillatu Avia po spiratu (bis) Ch' ellu avia cambiatu Argentini impiccati Cileni assassinati Afgani fucilati E' Baschi turturati Rimori di catene E' milioli di pene Un hè micca cambiatu Lu mondu chi c'intornia In darnu aghju circatu Ma ùn ci hè chè vargogna Ch' assuffoga l’umani (bis) Ch'imbrutta le so mani Prigione Irlandese A paura è i muri Gulaghi Siberiani I muri è à paura Milizie Libanese A paura è i muri Campi Sud Africani (bis) I muri è a paura Ma ch'elia sfondi infine La mio voce issi muri Ma ch'ella compii infine Per sempre fa paura. Chi tutti issi zitelli Un torninu urfanelli Per via di a bestia (bis) Di quell' orrida bestia
	O DUME' O MUAME' U piccheletricu in battaglia S'azzecca à a petra A inzecca a taglia In un scuppittime di mitraglia A e manechje Muameddu Capighjimbu Tuttu trasalti Quellu chi ùn caccia mai i so patti A' u sti qui a u sti là Duv'è lu ci hè lochi da scassà I palazzi saranu pè d'altri Quelli di i paesi ricchi Chi inventanu è vendenu i so picchi Stasera Muameddu si stracquerà Nantu à una sumiglia di strapunta Ghjustu in punta Ci vole à lacà una piazza pè u sognu Feritu in ogni capu d'ossu Cù a coltra di a miseria à dossu O Muameddu !Volta ! O Muameddu !Volta . . Diceranu e chjame in la notte ceca In la notte cioca sin'à ghjornu E' po un ghjornu... O Dume' o Muame' o Dume' o Muame' o Dume I picchi eletrichi in battaglia listessi à quelli di a mitraglia...
	O TERRA O terra ruda di l'alti muntagni Sempri incristata d'una nevi bianca Senti anc' avà crescia tanti lagni Ma di sfidà u mondu ùn sè stanca. O terra sbancata da li frusteri Li to ochji so li surgenti chjari Chi lasciani scappà li so misteri Senza chi mai qualunqua i pari. O terra chi sott' à nimu ti stracqui Stendu sempri ritta in i turmenti Hà vistu scorra tanti è tanti acqui E' t'ani assaltatu tamanti venti. O terra ricolma ad umanità In senu à tè stani l’ossi sdrutti So da no sumenti di libertà E' ribombani i so voci muti. O terra di li lochi in rivolti Un' semu micca omini è donni morti E' mancu bramemu d'essa sipolti Fin tantu à facci a nostra sorti.
	O VITA, O VITA U focu mette in pulvina Centu machje pampanute Ma in le ceppe radicute U suchju piglia è camina E' camina Compie ùn annu à mata pena Da stagioni troppu incerte In le lenze cori aperte A manu torna è sumena E' sumena Pè issa forza ch'è tù movi Quandu hè tempu di rinnovi Pè a vita in locu nudu O vita o vita ti cantu è lodu Cara una voce s'accheta Per ella hè sunata L’ora è po fresca ch'innamora Un' antra nasce è si pesa E' si pesa D'un amore inseculatu libru pare ghjuntu à fine A' cantà e so matine Più chè mai n'emu fiatu N'emu fiatu Pè issa forza ch'è tù movi Quand'hè tempu di rinnovi bissu Pè a vita in locu mutu O vita o vita ti cantu è lodu
	TI CHJAMI (M. Frassati - G. Luciani) In quelli tempi di bughjura Tù eri stata ingabbiata Ormai la notte era più scura Ma eiu ùn t'aghju sminticata. Li mesi, l'anni so fughjiti Sempre giràvanu le sfiere Tante anime ammutulite Circavanu le so lumere Riturnellu : Malgratu i nuli è l'invernate Ti vecu cume à stillaria Chi schjarisce le mio nuttate Si tù, ti chjami puesia. A mezu à lacrime è turmenti In lu dulore fermi incesa tale un fanale in li spaventi D'un mare tracarcu d'offese. Capighjimbata la to ghjente Sottu à lu rimbeccu è l'inghjulia Purtate da un focu ardente Un accitto mai la briglia. So negri o gialli tanti essari Culor' di tutti i cuntinenti Chi di pettu à lege è donari Un anu nigatu à so mente. A la to chjama tanti schjavi Inchjaccatu anu le catene per ritruvà sponde è lavi Ind'ellu si rispira l'avvene Si tù chi tutti li putenti Cù le so botte è li so cani Anu sempre vugliutu spenghje Fiamma, sperenza di l'umani Si tù chi m'hai aiutatu A gode u soffiu di a vita Quandu l'amore m'ha purtatu U balsamu nantu a ferita.
	VAI PURU (A.F. Simeoni - G.C. Acquaviva) Sè tù voli andà luntanu Metti un pede nanzu à l'altru vaitine pianu pianu O viaghja à passu sgualtru Ma sappia in duve tù vai Sinò ci hè annoi è guai. Sè tu voli un cunsigliu Piglia una strada fatta A traccia ch'un altru hà pigliu Ti purtarà più à sbratta E di passu più sicuru Fà cusi è vai puru.
	U NEGRU FUME (Ghj. Fusina-Ghj-F. Leschi) Si tù lu negru fume E la negra sperenza Chi porti u rispiru A' l'alba cunniscenza Si tù la negra spira Di la negra suffrenza Chi veni à cala ghjornu E' dai a to sentenza. Si tù la negra via E' la negra cuscenza Chi pichja in ogni vena A' l'ora di a partenza Si tù lu negru fele E' la negra sembienza Chi voli cum'è l'ala A' l'orli viulenza Si tù lu negru seru E' la mio negra amante Chi chjama u so penseru Un sognu di lagramante Si tù le negru mele E' la mio negra stonda Chi parla chi m'ammala O la mio terra tonda.
	MACHJA N'AVEMU UN ANTRA (1981)
	À U VECHJU PUETA A.F. Simeoni Voi di lu nostru linguaghju Dipusitariu è guardianu Purtate à lu so tilaghju I fiori chè v'ete in manu Cum'è lu mese di maghju Face bellu lu veranu. A nostra lingua hè maggiore Bella, ricca è ricamata Ogni parolla hè un fiore Ci ne date una bracciata Sbuccita in lu vostru core S'è vo fate una cantata. E so ch'è voi ci date Per noi hè una ricchezza Chi di tutte le biade Quella di più gran'bilezza Ch ghjè sempre in virdura Hè la nostra, la cultura.
	À A RISCOSSA Sò ghjunti da fora per stringhje li ferri Sò torna nemichi, li nemichi d'eri, Accampanu in arme paese è cità, Ma in la machja cresce sulidarità, Accampanu in arme paese è cità, Ma in la machja cresce sulidarità. D'ogni casa chjosa si apre un purtellu In lingua materna si sbrama un zitellu Di piaghje o muntagna la to ghjuventù À nutrì l'esiliu ùn ci vole andà più, Di piaghje o muntagna la to ghjuventù À nutrì l'esiliu ùn ci vole andà più. Ma oghje in paese sò mosse e cuscenze U Populu Corsu ripiglia sperenza Di Paoli u ricordu rinnasce in la mente Da l'imperialisti ci faremu sente, Di Paoli u ricordu rinnasce in la mente Da l'imperialisti ci faremu sente. In la notte pagna di la to ruvina L'addisperu more la vita camina Camina ingrandendu u lume sperenza Strada petricosa, cime Indipendenza, Camina ingrandendu u lume sperenza Strada petricosa, cime Indipendenza. Populu Corsu, a lotta hè mossa L'ora hè di chjama à la riscossa, Populu Corsu, a lotta hè mossa L'ora hè di chjama à la riscossa.
	EUSKADI Tù misteru d'Auropa Euskadi muntagnola Mai ùn puderanu strughje E lotte di i to figlioli Nè fà tace le to speme.
	FARANDULA (D.A. Versini - J. Makis) Una volta una ranochja Scianca è zemba c'una crochja Iscuntrede à zia Finochja E inseme volse ballà Ripigliu : C'era Barbinu, Barbetta è Barbazza, C'era Sippettu, Sippucciu è Sippinu C'era Barbazza, Barbetta è Barbinu, Farandulendu quassù è quallà. Una notte un rusignolu In lu boscu sempre solu Ci truvede un so figliolu Allor' si mise à cantà. In lu pratu, Graziella Trà li fiori è l'arbicella Disse, chjamendu l'agnella, Or' imparami à saltà. In la festa u parapiglia Regna in tutta la famiglia In piazza per la quadriglia A riverenza si fà.
	INDUVINELLA (M. Frassati - G.C. Acquaviva) Eramu in un paisolu Case viote è trafalate Stu paese hè sempre in dlou Tutti si ne sò andati Pensa un zitellucciu solu Tristu in le so chjappate. A campana di a ghjesgia Un p più chjamà à nimu Sott'i vechji tetti grisgi Da la valle à le cime Loch'è chjose abbandunate Ancu è muvre sò scappate. Pensa lu zitellu solu Quand'è lu sole si ciotta Ma in le fronde di l'olmu Quand'ella fala la notte Zitellucciu arechji tesu Li s'hè parsu d'avè intesu. Ellu hà intesu in li rami Una voce chì dicia Ellu hà vistu in li rami Una luce chì nascia Stammi à sente o zitellu E'u chjamava fratellu. A' lu pede di quell'olmu Bagnatu di ragi d'oru Zitellu di gioia colmu Avia trovu un tesoru Un fiore chì pianu sbuccia In le mane di a fatuccia. Dimmi tù zitellu d'oghje U nome di stu tesoru Dimmi tù zitellu d'oghje Ciò ch'ell'era tuttu st'oru Chi hè fughjitu lu dolu Rinvivitu u paisolu Si chjamava stu tesoru Lingua nostra è era d'oru.
	VOGLIU ESSE (M. Frassati - N. Ferricelli - G.C. Acquaviva) Vogliu esse lu figliolu Di quelli di cispre armati Chì di maghju in fiume Golu Funu tutti assassinati Vogliu esse lu figliolu Di li Corsi impiccati Oghje ghjornu lu Niolu Si ramenta l'antenati. Vogliu esse lu fratellu Di l'omu ch'hà ricusatu Per la Corsica ghjuvellu Un avvene incatinatu Vogliu esse lu fratellu Di l'amichi ditinuti La so fede hè la stella Chi luccicherà per tutti. Vogliu esse lu cumpagnu Chì mughja sempre più forte Cù li populi in lagni Cambiemu la nostra sorte. Vogliu esse lu cumpagnu E di pettu à la morte Balla nantu à lu Terraniu Lu quadrigliu di rivolta. Vogliu esse la cuscenza Chì disciterà le mente E chì darà la speranza A tante povare ghjente. Vogliu esse la cuscenza Ch'ùn puderà mai più sente In le carne la suffrenza E tace sempre li pienti. Vogliu esse

A’ U VISU DI TANTI (1989)

CUN TÈ (1984)

MACHJA N'AVEMU UN ANTRA (1981)