Canti d'oghje
 Chants corses contemporains

Canta u Populu Corsu
Patrizia Gattaceca
Petru Guelfucci/Voce di Corsica
Ghjuvan-Paulu Poletti
Anna Rocchi
Tavagna
Voce Ventu

PATRIZIA GATTACECA

Acqua chi balla
Anima
Bambinellu
Bandera livera
Chi lu tempu
Felice ùn so
Giramondu
In la piazza
Isulanima
Memoria
Memorie mondi
Nanna
Notte
Onda
Rosula d'Orienti
Senza tè
Sola
Terra brusgiata
U mio palatinu
U Rusignolu
Ulisse
Un basgiu d'amore
Una casa
Veni

OTTOBRE

UN BASGIU D'AMORE

Passanu venenu, passanu l'ore
Passanu e venenu l'ore
E tu chí passi in lu mio core
Tu chì veni in lu mio core

Una fola, un basgiu d'amore ....

Battelli muti chí passate
Nant'a l'onde scure e ghjalate
Battelli muti chí passate
Ditemi cosa mi purtate ....

Acelli cechi chí vulate
In tutti i mio celi ammantati
Acelli scuri chí vulate
Ditemi cosa vi purtate

UNA CASA

Vestuta à anni é anni
Di lacrime e di lune
Casa ferita, a to casa
Duv'ellu si arriposa
Un ricordu stracciatu
Sboccanu le paure à l'attrechjata
E ti ne stai sola
Rutuleghjanu l'acque
E t'inganna u tempu pazzu

Vestuta à vite é vite
Di nanne e di lamenti
Casa prufonda e fida
Di la to ghjente
Duv'ella sono tronca
Una voce chì lagna
Chì lagna à più pudé à té
E ti ne stai solu
Carcu di sogni amari
L'ochji inchjudati sopra à iste mure falate

Vestuta di carezze
Chì frisgianu la pelle
Di parolle d'amore
E di fole ribelle
Induv'ellu spasseghja
Un luminellu fiaccu
Chì passa e chì si more in core
E ci steremu inseme
A parlà di dumane
D'un mondu chì rinasce in le to mani

SOLA

Schiatta, cum'é un tonu in lu mo cerbellu
Schiatta, un core batte à crepapelle
E' tuttu m'inchjoda à la tò sorte
Sola à l'usciu chjosu di e tò notte

Sola senza saper perché

More pallidu frisgiu d'un amore
Move magia d'una terra mora
Schiatta, strana canzona di furesta
Sola à l'ombra d'un ricordu vechju ...
Schiatta cume un tonu in lu to cerbellu ...

FELICE ÙN SÒ

Felice, felice ùn sò
Senza té; felice ùn sò

Nantu à la miò strada aghju scontru
Un zitellucciu à l'ochji puri
Chì mi ha purtatu pé la manu
Nantu à e vie più sicure ....

A miò mente ci si hé inchjudata
In fondu à issi pozzi di lume
So' stata à sente un tempurale
In lu to pettu ...

Forse mi ci hà guidatu un diu
In sti lochi d'amore anticu
In cor di notte à iste ferite
Più dolce che un ragiu di vita

LES NOUVELLES POLYPHONIES CORSES

GIRAMONDU

Nant'un lettu di filetta
stese sott'à lu castagnu
l'anime di sti circondi
ci ghjocanu cù lu mondu

Balla mondu
gira mondu

E' ti ballanu li sensi
a'u chjoccu di a ciccona
e' si scatena la ronda
lu to esse più nun senti

ONDA

(Ghjuvan-Petru Lanfranchi)

Onda quand'è tu sorti tu
di e furie antiche ingullite
n'hai tutta la storia

Onda quand'è tu canti tu
ne hè un voceru chì sbuccia
cume schjatta a fucilata

Onda lu toiu lu silenziu
prufondu cume la tomba
biancu cume a stilittata

Tanti batelli persi
tante terre à truvà
tanti porti annigati
tant'amori à inventà

Onda liscia liscia liscia linda linda

ACQUA CHÌ BALLA

(Patrizia Poli - Patrizia Gattaceca)

Acqua chì balla acqua chì corre
linda in lu lettu di l'albore
Viaghju lestu le vite
femu lu chjerchju à l'infinitu

NANNA

(Patrizia Poli)

Mille stelle annannanu l'ore
per tè tesoru vogliu cantà
e la luna veculu dolce
spunta in la notte t'azzecherà
E lu ventulellu si tace
porta pace per sunià
e la mio manu t'accarezza
principessa vole sperà

CHI LU TEMPU

Cumu pianta l'arilogiu
chi ci porta à l'aritrosa
cume stirpa a vitriola
chì manghja sin'à l'orgogliu

E lu tempu passa è corre
senza sente lu rimore

In lu to visu li vichi
sulcati so à suspiri
a risa a pianta e a gioia
ci hanu scrittu la co vita

E lu tempu passa è corre
senza sente lu rimore

TERRA BRUSGIATA

Terra brusgiata è lu dannu chì spiomba
ti muscanu li canti forte in pettu
è la to voce chjama lu mondu -

A fola mea s'hè firmata in gola
pensendu à li to guai ùn mi cunsolu
dicu chì a terra hè toia eppo' lu sole

Duve si à l'ora di a luna vechja
Mamma di lu to locu imbalsamatu
o cugliere d'estate muscate cennera

Datemi lu rimbeccu o voce antiche

ANIMA

(Patrizia Gattaceca- Patrizia Poli - Jon Hassel)

Purghjimi la to manu
sopra e case viote
sopra e case ciotte
t'aghju portu la manu
induv'ell'hanu campatu elle
a'l'agrottu à l'agrottu
tant'anime ferite
di l'inguerni
chì brusgianu le sarre
chì frighjenu la vita
a l'agrottu
t'aghju portu la manu
l'inguerni
chì brusgianu le sarre
e l'inghjulie
chì frighjenu la vita

VENI

(Ghjuvan Petru Lanfranchi)
Veni da quì
e stami à sente
ti vogliu dí
u ventu chí corre
chí corre in mè

Veni da qui
e stami à sente
quand'è tù ùn ci si
a notte si pone
si pone in mè

Stami vicinu
e micca luntananza
luntanu da tè
u freddu chì vene
chì vene in me

Lasciami stà
a' pede à lu to sguardu
accantu à tè
lu mondu si face
si face in mè

MEMORIA

(Gattaceca - Poli)

Profondu secretu eternu
cume lu ventu chì corre chì corre

Antica offerta memoria
da a zarra chì ci sona ci sona

Prufondu secretu eternu
intricciati li culori li culori

BAMBINELLU

Dormi in lu to viculellu
allegrezza di mammone
chjosu aghju lu purtellu
e' incesu hè u fucone
per mantene lu calore
dormi dormi dolce amore

Lu to babbu è la to Mamma
so andati à circà l'agnelli
u to fratellu hè falatu
in piazza cù li zitelli
tù si sempre chjuculellu
dormi lu me bambinellu

Quandu u sole luminosu
Nant'a u monte supranu
s'affacherà silenziosu
li to ochji s'apreranu
nant'un ghjornu culuritu
dolce cume to visu.

IN LA PIAZZA

(Gattaceca-Poli)

In la piazza ventu è fiori
o pettu à pettu
o cincinati

In la piazza sta matina
ci s'hè pisatu
lu tempu

cù l'acqua di lu guaglinu
u so lagnu
o più nun sentu.

ROSULA D'ORIENTI

(Gattaceca-Poli)

Un ti n'arricordi più
ne rosula di li deserti
E' sti celi smisurati o culori di l'Orienti
Lu to visu è lu to sguardu o spechju di la mo ghjente

NOTTE

(Poli/Zazou-Sakamoto)
Notte
surella
chì pienghji
ùn ti ghjovanu l'affani

Notte
rimbeccu
chì dici
in l'eccu di li to scogli

O li mari framischjati.

ISULANIMA

ISULANIMA

(Gattaceca-Poli -Poli)

Isulanima…
Isulanima Animale
Onda luce
Onda tonda Tonda..
Luce Rimori
Mari mossi
Nasce u ghjornu
Sole d'oru
Fiatu ventu
O anima !
Isulanima Isulanima…

ULISSE

(Ghj. Thiers - P. Gattaceca-P. Poli-L. Poli)

Ulisse pianta qui è venici avvicinu…
Si u vantu di i Greghi cù e to prove divine
Ferma u to vascellu à sente e nostre voce ;
Un ci ne passò mai nave longu à e nostre labbre.
Durghjuleghjanu i sensi è l'universu s'apre
Imbalsama u core, allumineghja a mente ;
Si palesa u destinu à chì ci stà attente…
Ulisse pianta quì è venici avvicinu…

SENZA TE

(P . Gattaceca-P. Poli - L. Poli)

Legeri li to passi
Andavanu in lu chjassu
Chì n'hè di lu to pensà ?
Luce ò ùn luce lu sole
Tantu peghju sò sola
Viaghji in l'oscurità !
Eo s'ellu piove
Vogliu beie u celu
Eo s'ellu hè sole
Ch'ellu frisgi a mio pelle !
E l'oghji spalancati
A carezza bramata
Mi ne vogliu imbucinà
E l'esse meiu trema
E a vita sumena
Issu ghjornu u vogliu campà !
E s'è tu ùn brusgi d'amore
U mio mondu sò spente
E mio mondu ùn hè toiu …
Si le to notte sò spente
E mio note sò soie…
S'ellu t'incresce l'amore
Un valenu li pienti…
Eo l'abbracciu di core
E d'anima è di mente…

PETRU GUELFUCCI & VOCE DI CORSICA

A Voce
Canta incu mè
Cavallu
Corsica
Diana
I Detti di u ventu
Innu
Isula idea
L'Acqua viva
Piuvia
Si tu
Terzine
U Lamentu di Cursichella
Zittellucia di Rumenia

TERZINE

Dalle Cirnesi miserande rive
Un mesto figlio, negli Elisei campi
Ai vecchi padri della patria scrive.

Esser non può che di pietà non stampi
Un orma il mio pregar nei vostri cuori
E lo spirto primier bolla è s'avvampi.

Della Corsica figli e genitori
Che per la patria e per l'indipendenza
Versaste sangue, lacrime e sudori.

Sotti i gravosi incarchi e à l'inconstenza
Della spietata Genova, è mai riposo
Aveste da si ingiusta e ria potenza.

O degno spirto forte e valoroso
Del gran Paoli Pasquale è di Sampieru
L'invitto Sambucucciu è il forte Ornoso.

CORSICA

(Petru Guelfucci/Christophe Mc Daniel)

In un scornu di lu mondu,
ci hè un locucciu di tenerezza
ind'u mio core, maestosu,
imbalsama di purezza
ghjuvellu di maraviglie,
ùn ne circate sumiglie,
ùn truverete la para :
ghjè unica sola e cara.

Corsica.

Face sempre tant'inviglia
su scogliu ciottu in mare,
tesoru chì spampilla
sacru cum'hè un altare
calma, dolce cum'agnella,
generosa e accugliente,
si rivolta e si ribella
s'omu disprezza a sò ghjente.

Corsica

A VOCE

Misteru di a natura
voce limpida e pura
puntellu di a tradizione
ella si chjama passione

A voce

Ci hè la voce desideri
chì po rimà incu penseri
si hè impecata in le canzone
per mughjà revoluzione

Voce chì canta l'amore
supranisce lu rimore
ci hè quella chì dà lu pientu
quandu unu nostru hè spentu

Face tante prumissioni
a voce di i capizzoni
sempre pronta per l'inganni
sparghje amarezza e danni

Canta, canta, la mio voce
canta sempre l'allegrezza
diventa puru feroce
s'omu neca issa ricchezza

ISULA IDEA

(Ghjacumu Fusina)


Isula idea di la miò alba
Rosula altea è la vitalba
Fiore chì sbuccia è chì ci chjama
Fiore chì s'apre è dà la brama

Isula

Isula radica di a miò vita
Rispiru d'una acqua salita
Basgiu lampatu da i zitelli
Basgiu cascatu da i batelli

Isula

Isula idea di u viaghju
Di l'odissea ch'io feraghju
Mandile spartu di li mio sogni
Mandile crosciu : ùn ti vergogni

Isula

Isula celu tintu di sole
Ancu quandi un nulu dole
Chì a frasca s'alza è ci balla
Cum'è un penseru di farfalla

Isula

Isula idea di li mio strazi
A voglia mea, ma chè tù sazi
Ochju avvagliulatu da u sole
Ochju calatu di ogni amore

Isula

Isula fata è mai morta
Cuscogliula chì u ventu porta
A u locu ascosu di u core
Duve u ricordu ùn pò mai more

Isula

INNU

(Ghjacumu Thiers)

Hè lampatu quellu voceru
Di tondu à li mè sensi
Mi cusgite le primure
Mi mucidisce la mente
Mi lighjite libri arcani
Chì ciambottanu lamenti
Ch'ellu pianti quellu voceru

Hè lampatu lu caracolu
Di tondu à lu me capu
E mi ne fate lu chjerchju
Cun tantu sangue landanu
Duve li spavechji vechji
Vanu à ciambuttà l'umanu
A l'eternu
Ch'ellu pianti lu caracolu

Hè lampata a granitula
Di tondu à la me storia
M'ete toltu lu locu
Di li me sognimemoria
Vanu vani cunfratelli
Chì ciambottanu misteri
A l'infernu
Fateli piantà issi mughji
Fateli sguassà issi chjerchji

Hè tramuntata l'angoscia
Accampata di timori
In a pianura di e brame
Si incamina un chjarore
E' pè l'alba cusi linda
U mio crede s'innamora
Indirizzate issu lume
Ch'ellu corghi à la madre

CAVALLU

(Saveriu Luciani)

Orfanella di stu mare
T'hanu chjamatu Cavallu
E strade di lu mio mondu
Ti tennenu da cunfina
Si à l'orlu di l'infernu
O principessa turchina
Nant'a lu to mare malatu
Oghje u ventu hà cantatu

Orfanella di stu mare
T'hanu chjamatu Cavallu
Banditu st'incettadore
Chì scurticheghja u to visu
Scalatu da mare in là
In cerca d'un paradisu
Ma sulchighjata hè la to rena
Tra Bunifaziu è Maddalena

Orfanella di stu mare
T'hanu chjamatu Cavallu
Maladi vogliu à lu strettu
U marosulu isulanu
Chì sbatticciulava tantu
E s'ammansa pianu pianu
Chì un bastanu è to ghjasteme
Per parà cio chì omu teme

Orfanella di stu mare
T'hanu chjamatu Cavallu
L'onde ingorde di u terraniu
Ponu anigà e to brame
Qui firmerà una voce
A palisà e cundanne
Nant'a lu to mare malatu
Oghje u tonu hà cantatu

PIUVÌA

(Petru Guelfucci)

Piuvìa, issu ghjornu custi piuvìa
i nuli eranu tristi
lacrimavanu a più pudè
v'assicuru, l'aghju visti.

Piuvìa, in un diluviu senza fine
u celu paria decisu
ad assuffucà lu mondu
pè fà pacà l'inghjustizie.

Cursichella induve sì ?

Piuvìa, quant'ellu pesa l'esiliu
accintu da quatru muri
cun l'usci tutti inferrati
quì, di libertà sò privu.

Piuvìa, per avè mughjatu forte
tutte le mio differenze
per avè cuntribuitu
a fà discità la mente.

Cursichella induve sì ?

Piuvia nisun legge di stu mondu
ne imbastu ne catene
ùn puderanu cambià
u sangue di le mio vene.

Piuvìa, ma a strada di dumane
sguassera tuttu issu bughju
issu rimore di marchjone

per un celu senza nulu.

I DETTI DI U VENTU

Per ogni petra
per ogni teghja
in ogni casa
in ogni veghja
per ogni passu
in ogni chjassu
a ventu chjaru
o ventu lazzu
a lume altu
o lume bassu
t'aghju intesu caminà

Per ogni causa
e ogni lotta
a ventu gira
o ventu volta
a ventu spira
o ventu toltu
t'aghju intesu caminà

Per ciò chì ferma
di ciò ch'hè dettu
per a to casa
cu u so tettu
per u ghjornu
chì s'hè chjinatu
per u silenziu
in core calatu
e per l'amore
ch'un spinghjera mai
ti senteraghju caminà

CANTA INCU ME

Allegria sia sempre
issa parolla incantata
chì sguassera l'ammarezza
per imbellisce la tò vita
Canta incu me o sciaccamaneghja
ùn guarda intorn'a te chì
nimu ti fideghja
canta,canta incu me
a gioia hè medicina
chì guarisce ogni male
appena di sole in core,
ghje megliu che un tempurale
Ripigliu

Averai intornu a te
ghjente chì face u musu
dilli senza paura
chì oghje ùn hè più l'usu
Ma di cantà incu me, o sciaccamanendu
rallegralli una stonda,
eu qui pretendu
canta, canta incu me
S'aghju fattu sta canzona
pè pudè sguassà l'angoscia
chì tutti i penseri
smariscanu una volta

SÌ TU

Surrisu limpidi chì spanna
u so visu cum'un sole
affascinenti iss'ochji
chì mandanu calisginelle
labre ch'un pittore ha fattu
venutu da l'alte stelle
maraviglia, bellezza
eu ùn vi ne contu fole
E'issi basgi di tenerezza
tamanta vere piume
ch'accarezzanu a mio pelle
spintu u lume petti scultura viva
ch'imbalsamanu di prufume
core chì s'infuria si scatena cum'un fiume

Corpu, lettu di vita
calore ch'infiara i mio sensi
dite senza disciplina
chì frisgianu tuttu in te
palesanu issi suspiri
e tutti trimuleghja in me
Sessu, rigalu per gode
notte infinite d'amore
ch'aspetta a sumenta
cume l'apa u fiore
stonde a perdene fiatu
sin'a u primu luciore
dolci e squisiti mumenti
ch'ùn vogliu vede scorre.

DIANA

(M. Tristani)

Un puderaghju cullà,
dumane à lu Tribbiolu
incù li mio amichi à la caccia perchè lu mio core hè in dolu

Diana ùn ci sarà più, è mi sentaraghju solu.

Quandu elli l'ampareranu sta dumenica matina
i cumpagni cacciadori sta nutizia ghjalatina
ch'ella si n'hè morta Diana,
di le cucchje la regina.

N'hà cacciatu tanti è tanti cignali di la vadiola,
in vistica o puru in corsa ne paria una viola,
ella sempre la prima,
a mio cucchja pediola.

Oramai sò finite e battute per Traghjettone,
ùn senteremu più
e mosse da lu Puntone,
di le tò corse o Diana
si ne parlava in cantone.
Avà ponu stà sicuri i cignali in Garganera
è puderaghju rientre più di honora la sera
Diana ùn ci sarà più,
ùn mi pare mancu vera.

L'aghju vulsuta interrà in piazza
di la funtana vicinu à la sò casetta,
bella sposta à la sulana
per arricurdacci sempre
di ciò ch'ella era Diana.

L'ACQUA VIVA

(G. Thiers)

A isse curone d'acetu
di balagna chì ti lagna
u mare chì s'agranca
ùn vole esse più latinu

A isse curone d'acetu
di Balagna chì ti lagna
u marosulu si hè sbattutu
a tutti i so campanili

A isse curone d'acetu
di Balagna chì ti lagna
l'ansciu di una cialamella
ci ha appesu una speranza

A isse curolle d'alivu
a cialamella hè mora
e l'acqua viva corre
lesta cum'hè a bandera.

U LAMENTU DI CURSICHELLA

(Pampasgiolu)

Cursichella sfurtunata
mamma di tanti figlioli
sarai prestu abbandunata
si qualchi rimediu ùn trovi
per tene vicinu a te
issi frutti vecchji e novi

Tutti i tò figliulacci
partenu a circà furtuna
ùn hai più conti à facci
ne menu speranza alcuna
almenu che t'ùn t'adopre
di a pastoghja o di a funa

Si ne vanu a lu strangeru
cume veri spatriati
di ti ùn hanu più penseru
ne induve elli so nati
quelli valorosi corsi
pe a patria sacrificati

Chì ne penserà Sampieru
de Paoli o Sambucucciu
videndu chì lu s'imperu
hè miniciatu a di per tuttu ?
a ruvina hè generale
e smarisce fondu è fruttu

Un ci hè più corsi di sanna
ùn ci hè che scarti di natura
di la so povera mamma
soca ùn hanu più primura
ma la vergogna hè per elli
s'ella more di malcura

Facciu un ardente preghera
e la mandu a santa stella
s'ellu ci fussi manera
chì per ava s'hè zitella
d'allunga un pocu la vita
a la nostra cursichella

Qui finiscu u mio lamentu
chì troppu male mi face
ma scappa guasi lu pientu
ne soffru e po mi dispiace
che tu campi o cursichella
incu u riscantu in pace

ZITTELLUCCIA DI RUMENIA

(Ghjacumu Fusina)

Zittelluccia di Rumenia
chì mi feghji scunsulata
cu li to ochji, affannata
sentimi a me una cria
hè finita la tristizia
ti ne vogliu dà nutizia

Zittelluccia chì mi feghji
senza vede altru in giru
tagliatu m'ai u rispiru
e i sintimi imbuleghji
pensu a ogni zitellina
di li ricordi pulvina

Zittelluccia chì ti lagni
pianu pianu ind'u lettinu
a u to sguardu induvinu
guai quant'e tu accumpagni
e cum'ellu ti fu greve
u tempu chì a vita deve

Zittelluccia chì ti teni
u mio ditu ind'a to manu
cum'e da di pianu pianu
a u furesteru : " veni ! "
m'ogliu stà vicinu a tene
a cunsulà le to pene

Zitelluccia chì si nata
ind'un marture paese
ind'una storia a le prese
chì serà la to spannata ?
fa chì bella ora ne sia

VOCE VENTU

A carta nera
A serva
A squatra Voce Ventu
Brunetta
Juan Simón
Kyrie è Criste
L’ale di l’accunsentu
L’emigratu
Prigaria à u Populu Corsu
Quill'altru mondu
Rughju di vita
Sittanta

SITTANTA

(Alanu Di Meglio)

Veranu di i veri anni
Sittanta chì c’instrada
Quant’hè bella la stonda,
Quant’hè bella la stonda.

Veranu di i veri anni
Sittanta chì c’instrada
Quant’hè bella la stonda,
Quant’hè bella la stonda.

Quandi tù nasci tù
Da u stintu affiratu,
È carcu di virtù,
À una storia pattuta.

Quandi ti sfoghi tù
Cum’è in una spizzata,
Arma di ghjuventù
È zitella ingrandata.

Veranu di i veri anni
Sittanta chì c’instrada
Quant’hè bella la stonda,
Quant’hè bella la stonda.

Quandi t’accorghji tù
L’ochji persi è alzati
Di quella cursitù
A to vita impalcata.

Quandi t’avvirsi tù
À l’incontru d’un seculu
È rompi i servitù
Di u vigliaccu viculu.

Veranu di i veri anni
Sittanta chì c’instrada
Quant’hè bella la stonda,
Quant’hè bella la stonda.

Sittanta chì ci avia
Si palesa a bucia,
Sittanta identità,
O mà chì bell’età.

Sittanta voci forti
Ùn fussi statu à tortu,
Sittanta un quaternu,
Ùn fussi statu in dernu.

Sittanta, anni cuscenza,
Esistenza, esistenza, esistenza !

RUGHJU DI VITA

(Andria Fazi/ Federicu Poggi)

Da i chjassi di sangue è e strade spaventu
Hè partutu u lione à salutà u ventu
I so cumpagni fieri sò trà pientu è rivolta
Si sò chitate e sfiere, un silenziu s’ascolta
Hè partutu u lione à salutà u ventu.

Una lacrima hè corsa in l’ochji d’un zitellu
Hè partutu u lione à salutà u celu
L’anu toltu u fiatu ma hè viva a so voce
U so passu hè stampatu per disertu è per foce
Hè partutu u lione à salutà u celu.

Di u so rughju arditu ribombenu e fole
Hè partutu u lione à salutà u sole
Pocu impreme u vantu di quellu chì fù cecu
Suvitendu u so cantu truveremu u veru
Hè partutu u lione à salutà u sole.

Sò orfagne è zergose e muntagne ribelle
Hè partutu u lione à salutà e stelle
Issu paese hè di fette è u focu ùn si tace
Ùn sò mai e vindette à fà cresce a pace
Hè partutu u lione à salutà e stelle.

S’hè accolta a so ghjente in un silenziu piu
Hè partutu u lione à truvà u so diu
Sia Bibbia o Curanu si sceglie u so destinu
Ùn hè divina a manu à armà l’assassinu
Hè partutu u lione à truvà u so diu.

(à la mémoire du Commandant Massoud, assassiné en septembre 2001.)

A CARTA NERA

(Petru Leca/Federicu Sini)

Era tempu di carta nera
Purtata da lu gendarme
Ne ghjunghjia mane è sera
Ind'è li babbi è le mamme,
Ne ghjunghjia mane è sera
Ind'è li babbi è le mamme,

Quelle campane à murtoriu
Si n'era intesu parlà
È vultendu lu diloriu
Si sò messe à risunà,
È vultendu lu diloriu
Si sò messe à risunà,

Chjucchitendu sempre in capu
Segnu di maladizione
Parchì avia persu babbu
O fratellu o figliulone,
Parchì avia persu babbu
O fratellu o figliulone.

U si fuss'elle mai intese
Quì è culà in ogni poghju,
O quant'elle ci anu offese
Quelle campane à murtoriu,
O quant'elle ci anu offese
Quelle campane à murtoriu.

JUAN SIMÓN

(Puesia pupulare cilena / Federicu Poggi)

La enterrarón por la tarde
A la hija de Juan Simón
Y era Simón en el pueblo
El único enterrador,
Y era Simón en el pueblo
El único enterrador.

El mismo a su propia hija
Al cementerio llevó,
El mismo cavó la fossa
Pronunciando una oración.
La enterrarón por la tarde...

Y allá, al caer de la tarde,
Del cementerio salió,
En una mano la pala,
Y en el hombro el azadón.
La enterrarón por la tarde...

Y la gente le decia :
-¿de donde vienes, Simón ?
Soy enterrador y vengo
De enterrar mi corazón.

L’ALE DI L’ACCUNSENTU

(Sonia Moretti/ Alanu Di Meglio / Federicu Poggi)

Simu à l’entre di u mondu
In l’ochji di un zitellu
Per una vita un passu
Per un cantu un acellu
È lu volu chì sfascia
E nostre e sperenze
A carezza chì lascia
L’ombra d’una presenza.

Piglià le l’ale di l’accunsentu
E chjome leste di u ventu
È dì è dà è tene…
Murzicà lu l’avvene.

Simu à l’entre d’un sognu
In l’ochji d’un zitellu
Per un idea un chjassu
Per un chjirlu un acellu
È lu volu chì lascia
Da cantu u silenziu
A carezza chì sfascia
D’incantu un mumentu.

Piglià le l’ale di l’accunsentu…

È l’amore da dì
È l’amore di dà
Pisà u capu sì
È u pientu siccà

KIRIE E CRISTE

(Federicu Poggi)

Sonanu triste campane
Kyrie si face cantu
Omi è donne marturiati
Si ne vanu à core frantu
Chì focu face sintenza
À nome di Cristu santu.

Sei culombe sò passate
In lu celu di Ghisone
À lu cantà di lu Kyrie
Lu volu in Razzu si pone
Monte Razzu lu to nome
Sarà Kyrie Eleison. L’idea fatt’eresia
Si ne fughje u peccatore
Aparta hè la caccia mossa
À nome di u signore
È per pagà lu peccatu
Feranu lu sangue corre. Lu volu di le culombe
Cum’è un segnu si pone
À l’intunà di lu Criste
In la cima senza nome
O corsi la santa cima
Sarà Criste Eleison. In la petra per u sempre
Hè sulcatu u vostru nome
Dui cime per memoria
Kyrie è Criste Eleison.
Dui cime per memoria
Kyrie è Criste Eleison.

QUILL’ALTRU MONDU

(Andria Fazi/Voce Ventu)

Tandu si parlava assai
Raghjunendu incù passione
Di discità a cuscenza
Evucavamu i guai
Beati d’ammirazione
Davant’ogni resistenza.
S’ammintava Brasaville
A vittoria in Algeria
Gandhi quant’à Dien Bien Phù
Santa Chjara è u Cile
Praga dopu à l’Ungaria
Tuttu insignava virtù.

Forse ch’in quill’altru mondu
Ognunu mi diceria
Chì i sogni ghjuvanili
Ùn sò fatti per durà
Forse ch’in quill’altru mondu
Cusì ci vole à pinsà.

Ùn mancava u curaghju
Nè l’orgogliu nè a fede
Per cambià a nostra sorte
Da un aostu è un maghju
Tutt’ognunu possi vede
Chì si ricusava a morte.

Forse ch’in quill’altru mondu
Ognunu mi diceria
Chì sò vani i sacrifizii
Per salvà u so campà
Forse ch’in quill’altru mondu
Cusì ci vole à pinsà.

Sò partutu in ritirata
Chì mi parsi d’esse persu
Quellu latu universale
Sarà permessa a lagnata
Quandu ùn si sente u versu
Di u senza pane nè sale ?

Forse ch’in quill’altru mondu
Ognunu mi diceria
Ch’ùn ci saria ricchezza
S’ella ùn c’era puvertà
Forse ch’in quill’altru mondu
Cusì ci vole à pinsà.

Ch’elle creschinu e rame
Di un avvene di divizia
Per chì cunnosce u sprufondu
Ùn invechjanu isse brame
Libertà, pace è ghjustizia
Sia in Corsica o in tondu.

Forse chì di u mo mondu
Ognunu ne diceria
Ch’ellu hè fola è bucia
Sumerismu è falzità
Forse ch’ind’è u mo mondu
A puderanu pinsà.

BRUNETTA

(Alanu Di Meglio / Federicu Poggi)

Brunetta datti curagiu
Chì da quì s'apre lu cantu
Li scherzi chì tù m'ai fattu
Tene li vogliu d'accantu
Ma sinceru cum'è mene
Ùn ne truverai un antru. Brunetta lu nostru amore
Quantu pocu hà duratu
Hè cumminciatu d'aprile
Di maghju hè terminatu
Hà fattu cum'è la scopa
Hè fiuritu è ùn hè granatu. Turneremu à ripigliane
Brunetta lu nostru amore
Nun ci vole medicina
Nè visite di duttore
Abbasta chè tù m'accordi

L’EMIGRATU

(Alanu Di Meglio)
À l’orlu di stu mari
Chì ci hà bagnat’à tutti
I destini sò spari
Da i beddi à i brutti
Mischineddi
Eu sò unu di quiddi
Castigati. Mi mettu stancu mortu
Par cusì mal’guadagnu
Maladiscu a sorti
Ma mancu esci un lagnu
Da a me bucca
Hè cusì ingratu lu sulcu
Di issa vita. Corsu di ceppu ghjustu
Campu lu to esiliu
N’aghju lu cori frustu
È pregu lu me diu
Chì un ghjornu
Si pianti la negazioni
In issa tarra. I me lochi luntani
Mi sò rimpruvarati
A me prisenza hè strana
Pocu hè micca accittata
Nè guardata
Sò cum’è vituparatu
Solu. Sò eu l’emigratu
L’erranti di i to stradi
Eu capicalatu
Tacendu li me strazii
Sutt’à un soli
Chì pà prigà mancu mi voli
Chì piccatu. Arritttu fieru è altu
Voddu porghja la manu
À l’omu novu natu
À la nazioni in branu
À stu mondu
Ch’è tù brami à tè di tondu
Plurali. Vurria acciaccà l’oddiu
È carcigà l’idea
Chì mi ricusa oghji
Chì a to strada hè mea
Chì m’agradisci
Issa casa da custruiscia
Cun tè.

A SERVA

(Alanu Di Meglio)

Eu, paisanu fieru
Ghjurnatante è disgraziatu
Vogliu cantà l’addisperu
Di lu mio amore scunciatu
Anghjula, pura è fantina
Di u veranu più bellu fiore
Si n’andò quella matina
À fà serva à li signori. Anghjula, Anghjula mea
A ruvina mi purtasti
Stu ghjornu duv’è n’andasti
In li sgiò
È ne francasti lu purtò. L’estate l’aria infiarava
Eri stanca à la funtana
A to ciretta pisava
Sott’à quella sciappittana
Eu, rozu travagliadore
Ùn truvai mai la stonda
Ellu, giovanu signore
Bellu, ti girava in tondu. Anghjula, Anghjula mea
Fù cusì, nun ricusasti
A to giuventù li dasti
À stu sgiò
Chì in la so casa t’ingannò. Trà a cardellina è u corbu
Matrimonii ùn ne pò nasce
Puru un criaturu in corpu
U sgiò ingratu ti tralascia
Stu ghjornu era festa in piazza
Misurasti a to sciagura
Spusava una di razza
Ricca, di ceppu sicuru. Anghjula, Anghjula mea
Issa pistola ch’è tù purtasti
A ti cacciai, ùn la mi dasti
È u sgiò
Fù a mio manu chì u tumbò.

PRIGARIA A U POPULU CORSU

(Federicu Poggi/ Voce Ventu)

Sò Corsica Regina nigata è messa in croce.
I mo figlioli anch’elli mi danu la ferita.
Induv’hè mossu lu fiatu chì mi purtava arritta ?
Piengu d’ùn esse più. Sò a mamma chì u figliolu ùn tene cara.
Sò turnata prufittu, rendite mi l’onore,
Ùn girate lu capu, o Corsi ùn vogliu more !
More d’ùn esse più. Di lacrime nucente si n’hè corsu lu fiume.
Fiumara corre à strughje lu solcu di sperenza,
Mi tomba lu smintecu, mi tomba la partenza.
Straziu d’ùn esse più. È di l’anima meia chì ne firmerà ?
Lu me fustu sigatu eppò tronche le rame.
Pietà figlioli mei, fate cresce le brame,
Vogliu sperà dinù ! Siate l’acque pè spenghje lu focu chì mi rode
Innacquate lu core di vostra terra corsa,
Alzate bianca è nera è mughjate cun forza
« populu ci hè dinù !»
« populu ci hè dinù !»

A SQUADRA DI VOCE VENTU

(Dumenicu Barrazza/Andria Fazi)

Sei giuvanotti asgiati
Cù una passione tamanta
Per i canti indiati
A leva di u settanta
À issa terra arradicati
Guasi cum’è arba santa.
Sè vo sete d’accunsentu
Secondu a tradizione
Hè venutu lu mumentu
Di fà e presentazione
Attenti à e piulate
È i colpi di bastone. U primu hè capirasciatu
Quant’è sarre di Niolu
U purtevule appiccatu
È a chitarra à u colu
Longu longu sfilanciatu
Cum’è un palu di fasgiolu.
Minguli in quantità
Note ne ghjoca à miliò U secondu hè verità
Pussede l’arte maiò
Cugnome s’ellu ùn nè hà
U chjamaremu « Django ».
In fatti d’animazione
U terzu si ferma mutu
L’accade à l’occasione
D’ùn esse micca vinutu
Mandendu per spiegazione
Un chjavellu ribattutu. R : Ghjè avà ch’à noi tocca
Semu in cerca di talentu
Basta ch'omu apri la bocca
Diventa un veru
scumpientu
Eccuti a filastrocca
Di a squatra Voce Ventu. Incù a so bella cesta
Pelle mora i tratti fini
Ne face girà a testa
À e zitelle aiaccine
Ma li piace ancu à fà festa
È pigliassi e briachine. L’altru chjappa li terzetti
Spezzanu li tempurali
Schiattanu toni è saetti
È fughjanu l’animali
I culombi, li falchetti
A volpe incù li cignali.
Forse u più cunnisciutu
Di scurdammine ùn possu
Dumanderete l’aiutu
Quand’ellu vi casca addossu
S’ellu sorte à lu prisuttu
Ùn vi lascia mancu l’ossu. R : Ghjè avà ch’à noi tocca
Semu in cerca di talentu
Basta ch'omu apri la bocca
Diventa un veru
scumpientu Eccuti a filastrocca
Di a squatra Voce Ventu.
A friscura sittembrina
Ammatta i suleoni
Hè finita l’estatina
È compie sò e canzone
Accozzanu in cantina
Centunai di milioni. D’avè vistu mi ramentu
Un magnificu tesoru
U si sparte Voce Ventu
U fruttu di issu lavoru
Nutendu mezu à l’argentu
Cù e stacche piene d’oru.
Spergu ùn ci serà ferita
Postu chì nimu si lagna
Issa canzona hè finita
È lu mio estru muntagna
Forse l’avete capita…
Ghjera solu una macagna. R :Ghjè avà ch’à noi tocca
Semu in cerca di talentu
Basta ch'omu apri la bocca
Diventaunveru
scumpientu Eccuti a filastrocca
Di a squatra Voce Ventu.
Eccuti a filastrocca
Di a squatra Voce Ventu.
Eccuti a filastrocca
Di a squatra Voce Ventu.

GHJUVAN - PAULU POLETTI

A Leccia
A maestra
Arietta
E neve di Cuscionu
Imaginà
L'orfagnu
Lettera à Sergio
Mal'cunciliu
Musicante
Omu
Quelli di a terra...
Rè di petra
Tù Dumenicu
U tintu scrittore
U ventu d'Irlanda

L'ORFAGNU

Aghju a notte è a guerra
E miseria à curà
E un sognu di terra
Per unicu spera
Aghju l'ombra di e fosse
Come solu campà
E u biancu di l'osse
Come carta à stampà
Sò l'orfagnu di 'stu mondu
Lacrime n'agjhu pocu
Per datti una scrittura
E ogni mosca in ghjocu
Mi basgia a ponghjitura
Aghju un zimbu di sale
Chì m'asciuma le labre
E nantu a le mio spalle
Aghju a carne chì s'apre
Dicenu chì in altrò
Ci hè qualc'omu supranu
Chì un'sa di che no
A chì chere lu granu
Mi brusgia focu in pettu
Ch'un possu mancu spenghje
Tu chì hai tettu e lettu
Un fa nice di pienghje

E NEVE DI CUSCIONU

Una croce di cotru come una sentinella
E un reame silenziu d'ogni bellezza schiavu
Quandu i quattru venti alliscianu a Bavella
E chì a luna strisglia e creste d'Asinau ...

Eo tengu cume un sognu secretu
E neve di Cuscionu

Quandi e punte s'accendenu di gemma la più fina
Cume rampini d'oru azzingate a u celu
Quandi u tempu dinnera da piattaci a matina
Quandi a spalla umana cerca lu so mantellu
Quandu pesa dicembre a la fronde chì casca
E chì a notte veste di cristallu la terra
Quandi u ghjelu stringhje l'onde di Marinasca
Da u focu chì nasce e canta in Bocchinera
Quandu u sole e i monti ballanu in confidenza
Cume un vecchju cantu chì a vechja rinnova
Quandu s'infrebba l'ochju a i lumi di Quenza
E ch'ellu s'apre l'usciu a l'anima ritrova ...
Eo tengu cume un sognu secretu
E neve di Cuscionu

A LECCIA

Qualcosa
Di verde e di celu
E muntese addunitu
Qualcosa
Di un lacrimosu velu
In l'occhi di u rimitu
E d'i to ghjorni a l'eternu
Qualcosa
Di u primu accunsentu
Scrittu nantu a i to fianchi
Qualcosa
Di un stranu momentu
A i tò meziorni bianchi
Qualcosa
Cume un arietta sana
Chì dissema la gola
Qualcosa
Di qualchi capivana
Chì una fronda consola
Qualcosa
Di un rilogiu chì sona
E chì ùn vole dà l'ora
Qualcosa
Di l'anima chì tona
Quandi a vita hè fora
E d'i tò ghjorni a l'eternu ...

QUELLI DI A TERRA ...

Fora ci hè un ventu di sera
Trascina nuli nantu a terra
Ho, ho, ho
Chì diventera issu locu
Sterminatu da lu focu
Avà si pò girà lu mondu
Se a miseria ci vene attondu ...
I zitelli ghjocanu fora
Cume ella va tranquilla l'ora ...
Poveru diventa lu solcu
L'urizonte ne torna foscu ...
Da fale a fenu anudati
Viaghjanu disperi infiarati ...
Ci hè frombu d'anima culpita
Mai ùn si chjode a tu ferita ...

OMU

O lu mio fiore di lume
Per sempre ti ne si andatu
A corre le stelle in celu
Verdi un antru suminatu
Aghju in core sta matina
Un cantu di l'impiccatu
Omu
Aghju un sole per tè
Eo, ùn sò che di tè omu liberu
Di tè omu liberu
Liberu
Aghju un sole per tè

IMAGINÀ

Imaginà
I ghjorni clandestini
Di viaghj surpresi
A l'ora di e to mani

Imaginà
Centumila destini
Ghjunti a passi curtesi
A fiurisceci l'anni

Imaginà

Qualchi fiume in partenza
Per isse terre preziose
A l'albe intenerite

Imaginà

L'onde di una assenza
Come isse case chjose
Da noi preferite

Imaginà

A chjave di un cantu
Chì u lume di a vechja
Insegna a lu to core

Imaginà

Un secretu tamantu
Ind'a notte chì feghja
Qualchi scrittu d'amore

MAL'CUNCILIU

Tu sì l'arburu di lume
E ne veni da luntanu
Tu sì lu tonu e lu fiume
E Lesia chì canta pianu

Tu sì l'errante d'amore
Chì camina in la muntagna
Tu sì l'omu chì more
Quandu fala l'ombra pagna

E quandu a notte ti porta
E voce di Torremorta
E chì u cantu di l'onda
Colla d'a terra prufonda

Tu sì l'arburu di sognu
Scurticatu da lu ventu
Tu sì anghulu o demoniu
A carezza o lu spaventu

Tu sì gioia o dulore
Ma con tè mi meravigliu
So natu in lu tò furore
Mal'cunciliu

LETTERA A SERGIO

Maestru, isse duie ligne
Aghju qualchi sognu a ditti
L'arti di cantà e pinghje
Da tempi ch'elli so scritti
Vogliu fatti riferenza
A te chì' teni issu cantu
E datti qualchi sferenza
Puru s'eo ti sto' accantu
Eo, preferiscu una scola
Cu li so' balconi aperti
Chì di tutti hè figliola
Mozart, Beethoven o Perti
A sai chì ogni frontiera
Da i tirani inventata dà fastidiu a chì spera
Una scrittura spannada
Cumu faranu issi fiori
Chì d'apresi anu paura
L'occhju perde i so' tesori
S'ellu si tene a l'oscura
In le scole di issu mondu
Ci hè forse più di un zitellu
Chì si canta qualchi rondu
Senza autore, ne mudelu
Permetti a un saltirinu
Chì ti tene cosi caru
Di mandati un biglietinu
Da metteci tutti a paru
S'eo t'arrubu qualchi versu
Per addurnà issu sonettu
Un la piglia mai per scherzu
Ti portu troppu rispettu
Maestru, isse due ligne
Avia un sognu a ditti
L'arti di canta e pinghje
Da tempi ch'elli so' scritti

U TINTU SCRITTORE

Si cum'e u muscu di li miò ghjorni
E lu prufumu di l'anni novi
Cum'e l'acellu di li miò sogni
E la sò' piuma ch'e tu trovi
U mio penseru sopra li nuli
S'e tu mi capisci e mi voli
A me chì sò u tintu scrittore
Ind'i l'isulone di l'amore

Si cum'e a luna di la miò notte
E lu penseru chì l'alba tace
Cum'e lu vinu di vecchja botte
E l'acqua fresca chì chjama pace
Cum'e l'idea nata chì sorte
E chì ogni ghjornu mi face
A me chì so u tintu scrittore
Ind'i l'isulone di l'amore

Si cum'e u nome di la mio gioia
A terra soda chì ùn trema mai
Cum'e u sole caccia la noia
E a neve pura impanna li fai
U mare dolce di bocca toia
Hè lu balsamu di li miò guiai

RE DI PETRA

Qualchi pagina scritta
A e porte di u silenziu
Chì si ride di l'ore
E sposa le to notte
Ind'un ultimu cantu
Grazia a te Grazia a te
Re di petra

TÙ DUMENICU

D'Ottobre in Zerubia a luna hè cusi bella
È u ventu in furesta viulineghja in li pini
A notte di viaghjime aspetta un' antra stella
Da i Martini a Siò marchjanu i clandestini

Ripigliu
È tù Dumenicu, ribellu di cugnome
Chì ùn vulia mai dorme
Cùn tè sò ghjunti tutti omi di prima trinca
I Sorba, i Noell, è l'altri Ghjacumoni

Quelli di a campagna è quelli di marinca
Chì scrivianu d'alba, ma senza cavizzoni
E vostre le vittorie eranu silenziose
A gloria a sai bè un conta chè un ghjornu

Quanti funu i cumpagni di isse mosse furiose
Chì partianu fieri senza pregà ritornu
E' oghje sentu dì chì ogni passatu hè mortu
Chì li fiori s'annoianu nantu à e tombe vecchje

Ch'hè megliu à ùn cercà qual'hè ch' avia tortu
S'imbrutta la memoria in certe bocche techje
Oghje nantu ù issi chjassi pascenu i muntoni
Di quandu in quandu i neri intisgianu i bianchi

Chì dicerianu avà Giusti è Mondoloni
E tutti i fratelli cù i so fucili stanchi

D'Ottobre in Zerubia a luna hè sempre bella
È u ventu in furesta viulineghja in li pini
A notte di vaghjime aspetta un' antra stella
Da Martini a Siò hai l'occhji clandestini

MUSICANTE

E prime sò di biancu è di neru
Cum'è sognu è sveghjula annudati
Perse trà tennerezza è misteru
Nant'à u mare eterni spatriati
L'altre sò di villutu più finu

Qualchi neve chì Ferraghju pettina
Una fata in lettu d'arlicchinu
Qualchì fruppata in verde matina
Eppò sò l'ardente ballerine
Chì sguillanu sempre in contrarima

Armunie poste in le cunfine
Di u cantu cercanu la cima
Allora s'attondanu e surelle
À un cantu chì mai ùn si spenghje
musicante à tè sò le più belle
à tè di falle ride o pienghje

ARIETTA

Quand'ella canta in mè quell'aria languente
Naviga in dolci mari la me fantesia
Di l'alba chì ùn sò più risplende la magia
Tutta la ghjuventu si leva è m'hè prisente
Correnu da nanzu à l'ochji meravigliati
Catene di monti turchini à l'infinitu
Pinete è valdi cupi è machjetu fiuritu
Calache è scogli da lu mare flagilati
Scopru à li fianchi d'una sarra appiticate
Accolte à brade cum'è capre in lu piazzile
Di tondu à la chjesola cun lu campanile
Casarelle di petra nuda musgingate
Hè l'ora calma induv'ellu cansa lu ghjornu
A campanella chì chjocca l'Ave Maria
I campagnoli sparsi invita à lu ritornu
A banda di le sgiotte affulena la via
U sole s'hè ciuttatu una ghitarra sona
Un ardita brunetta affaca à lu purtellu
È lampa un carofulu rossu à lu zitellu
Innamuratu chì li canta la canzona

A MAESTRA

Venuta era cù li so vint' anni
Cù surrisu fiuritu in la manu
L'estate racuglia i so panni
Uttobre ùn era più luntanu
A nutizia era andata lestra
Ogni casa si messe à sugnà
In paese hè ghjunta una maestra
Pare un fiore chì ci vene à sbuccià
Ognunu li vulia fà l'onore
Di chjamalla à sparte u piattu un più
Qual'hè chì ùn circava u favore
Di purtalli e so legne quassù
Subitu cum'è un ceppu di vita
U circondu si messe à brusgià
Di tutti fubbe la preferita
U celu ci vulia basgià
Ghjacumu facia qualchi contu
Maritu li su puderebbi truvà
Prete Andria in sicretu era prontu
Qualcosa ci vulia à pruvà
E' a l'ora di a ricreazione
C'era sempre qualchi stranu ballu
U quanti ochji in brama di passione
Quanti cori chì circavanu caldu
Ma una fata ùn pò chè fermà sola
Cum'è un ghjornu ingrandanu i zitelli
Si sò chjose e porte di a scola
È per tutti i mumenti più belli
Venut' era cù li sò vint'anni
Cùn surrisu fiuritu in la manu
L'estate raccugliva i sò panni
Ottobre ùn n'era più luntanu.

U VENTU D'IRLANDA

Oghje l'aghju ritrovu
Quellu sognu d'inguernu
Di un vechju quaternu
Datu à u cantu novu
Hè silenziu lu ventu
U ventu d'Irlanda

Quandu rughjenu in mare
E timpeste d'esiliu
È chì l'onde in bisbigliu
Stridanu stonde amare
Hè pientu mu ventu
U ventu d'Irlanda

Ci hè sempre qualchì croce
Posta in sentinella
È d'armunia snella
Si veste la to voce
Hè preghera lu ventu
U ventu d'Irlanda

Quandi i fiori di a pace
T'abbraccianu d'amore
È chì a luna terrore
Per u sempre si tace
Hè bellu lu ventu
U ventu d'Irlanda

Lasciali maladi
Quelli senza passione
Schjavi di a ragione
È di poveru ardi
Hè scemu lu ventu
U ventu d'Irlanda

CANTA U POPULU CORSU

A canzona di u pianu 

A galuppà
A rivolta
Allegria
Amicu ci si tù
Arriti

Bruscu
Cantu à Pablo Neruda

Canzona per Stella
Ci hè dinu
Clandestinu

Companero
Corsica nostra
Ditemi 

I Ghjuvannali
I mulatteri d'Ulmetu
L'alta strada
L'ancura di a misericordia
L'elitti
L'odore d'i nostri mesi
Lettera à Nicoli
Lettera di u mulatteru à u Corsu
Lettera di u prigiuneru
Missaghju
Paghjella di Ponte Novu
Quandi a terra move

Scorsa la vita
Simu sbanditi
Sognu è spiranza
Sonniu
Suldatu di u populu và
Sunatu hè lu cornu
Surella d'Irlanda
U culunialistu
U muvrinu
U vagabondu
Un paisanu
Un soffiu di libertà
Vergogna à tè
Viaghji

I MULATTERI D'ULMETU

Si senti chjuccà la frusta
È batta li sunaglieri
Rientrinu da furesta
Muli rossi bianchi è neri
Sò Sicondi è Ghjambattista
D'Ulmetu li mulatteri.

La prima fala Falchetta
Soca la mula di guida
Appressu veni Culombu
Siguitatu da Pulina,
Rusetta, Corsa cun Bimba,
È pò Zèffiru incù Ninna.

Falchetta si poni in piazza
Tempu arrivata in furesta
Insumata à l'istanti
Eppò ripidda la testa,
Aspittendu li cumpagni
Sì qualchid'unu s'arresta.

Insumati ch'eddi sò tutti
Ricumencianu à chjuccà
E' cusì una par una
Sà ciò chì li resta à fà
Chì sott'à duie ore di soma
In marina hà da falà.

È li bravi mulatteri
Ni ripartinu à l'affretta
Senza mancu troppu tempu
D'accenda la sigaretta
Parchì ci hè lu scarichinu
In marina chì l'aspetta.

Ma sempri strada facendu
Si sentinu li canzoni
Cunfusi par quiddi boschi
Cù tintenne è tintinnoni
È l'ochja sempri à li sacchi
Ch'eddu ùn si perdi carbonu.

Ghjambattista per istrada
Surveglia sempri li muli
Sè li so somi sò pari
S'eddi sò strinti li funi
Sicondi da lu so cantu
Ni faci anch'eddu altru è tantu.

Ùn si parla più di ghjorni
Sò cinque mesi ad avali
Ma prestu sè Diu voli
Si spera di terminà
È lu ricordu di tutti
Sempri si cunsirverà.

À vedaci o amichi
Cantanu li mulatteri
Noi malgratu la fatica
Partimu mal'vulinteri
Parchì seti brava ghjenti
Corsi fidi è sinceri.

Passaremu per Maratu
È la bocca di Cilaccia
Ma rientrendu in Ulmetu
Emu da fistà l'arrivata
Muli cum'è mulatteri
L'emu troppu disbitata.

SUNATU HÈ LU CORNU

Aiò tutti, fratelli, chì hè l'ora
D'armà schjoppi è di cigne carchera,
Da lu monte à lu fiume à la serra
Chì lu cornu ripigli à sunà.

Ripigliu

Sunatu hè lu cornu
Ùn ci hè più riscattu
À populu fattu
Bisogna à marchjà !

In lu cornu risona la voce
Di Sampieru è di l'altri guerrieri
Chì per vive liberi è fieri
O per more, curagiu ci dà.

Aiò tutti, Cinarca è Fiumorbu
Castagniccia è la fiera Balagna,
Ùn hè Corsu à chì pienghje o si lagna,
U frestere ùn pò ch'è rinculà.

Aiò tutti, fratelli, chì hè l'ora
Di cessà frà noi altri ste lite,
Ci emu fattu abbastanza ferite,
N'anu risu abbastanza culà.

Stintiriati ci semu abbastanza
À l'azzizzu d'un vile nimicu,
Tocca ad elli per ghjustu castigu
À purtanne lu dolu è trimà.

Aiò tutti, fratelli, chì hè l'ora
Di stripà sta razza maladetta
grida in celu, per noi vindetta
Tantu sangue è tanta infedeltà.

Ùn vidite ste donne ammantate ?
Ùn sentite di Boziu lu Vechju ?
Anu fattu di cirnu un spavechju,
Cirnu, d'elli, un spavechju ferà.

Tutti sottu à listessa bandera
Bianca, ornata di a testa Mora,
Aiò Corsi chì turnata hè l'ora,
Di l'antica nostra libertà.

COMPANERO

Piove nant'a vita
L'onda sguasserà
U sangue,a nutizia
D'ellu un'ci serà

Piove nant'a u core
L'onda infangherà
Pientu e rimore
Ma chi si po fà

Una manera di cantà la storia
una manera di fà ch'ogni loca
Per tè companero
S'innalza un manu
Di fraternità
Una manera di cantà la storia
Una manera di fà ch'ogni loca
Per tè companero
S'innalza un manu
Di fraternità

Piove nant'a vita
L'onda benistà
Sumenta ardita
Chi spunta digià

Ripigliu

CI HÈ DINU

Ci hè dinù tanti paesi strangeri
Fratelli di la briglia è di l'umbasti
Chì traccianu l'idee è li cuntrasti
Sgracinendu cullane di penseri
Ci hè dinù tante razze malavviate
Surelle di l'albore culuritu
Chì piglianu la strada è lu partitu
Di cio chi ci leia à le storie andate.

Ricantu:
Ci sò tutti quessi è po ci sò eo
È lu so passu novu hè dinù meo.

Ci hè dinù tanti populi malati
Fratelli di la frebba è lu dulore
Chì cantanu li so guai affanati
Cù lu vechju suspiru di l'amore
Ci hè dinù tante forze liberate
Surelle di lu mondu chi s'avvia
Vive, è da tante mane purtate
Chì ci mettenu in core l'allegria.

Ricantu

Ci hè dinù tanti associ per furtuna
Fratelli di l'ochji aperti à lu sole
Indiati cum'è squadre di fole
D'ùn vulè più esse cechi à la funa
Ci hè dinù tante voci discitate
Surelle di a fede è di a salvezza
Chì portanu à l'avvene a so carezza
È valenu più ch'è le fucilate.

Ricantu

SOGNU E SPIRANZA

(Marcellu Acquaviva )

Mi vanu quelli paesi
Duve in sognu mi ne vocu
Per i chjassi forse appesi
A u cele in qualchì locu
Nanzu chì i lumi accesi
Un tradiscanu l'imbrocu.

Mi porta quellu viaghju
Quassù in cima di a cullata
Ne ritrovu u pagliaghju
Cù a paghjola azzingata
È rivecu u tilaghju
Da a porta spalancata.

Mi garba quellu vichjettu
Cù a so baretta misgia
Chì calfa un visu parfettu
Urnatu da barba grisgia
Mentre ch'in tornu, un caprettu
Saltillendu bela è intisgia.

M'attira quellu bucchinu
Duve una scultura affacca
Poi a pippa è l'acciarinu
Ch'ellu caccia da a stacca
È u so ditu à ancinu
Chì strigne l'arba tabacca.

M'attira quellu fucone,
A fumicosa muraglia,
A catena è u pilone,
E narpie natu a madia
È arrittu indu l'agnone
L'anticu fucile à scaglia

M'incanta a so mimoria
È a so voce sincera
È u Moru di a Vittoria
Postu à mezu à a bandera
Cù tutta l'eterna gloria
D'una razza cusì fiera.

Quandu lu sognu hè finitu
Vecu ciò chì simu avà :
Un populu mezu sparitu
Spapersu da mare in là
Ma i Corsi anu capitu
Ch'in casa ci vole à vultà

Sì la vita d'arimane
Un turnarà mai più
Oghje tante cose vane
Sò tinute da virtù :
È di qualità anziane
Bisognu ci n'hè, dinù.

CORSICA NOSTRA
(Ghjuvanpaulu Poletti )

Sentu lu chjoccu di la campana
In a natura tuttu si spanna
Un son di cornu da le muntagne
Chì scaccia u Corsu da li so lagni

L'ora hè venuta di fà l'unione
Per la salvezza di la nazione
Sta voce pura vene da u core
Ci porta a fede, ci canta amore

Parla di Paoli, di i so guerrieri
Sopra à le cime è le fruntiere
Di Ponte Novu canta la gloria
Ci porta à l'arme, ci porta à more

Corsica nostra, terra d'eroe,
Rizzati libera, falla per noi,
Portanu u nome di libertà,
I to figlioli pronti à marchjà,
Portanu u nome di libertà
I to figlioli pronti à luttà.

LETTERA DI U MULATTERU A U CORSU

(Ghjuvanpaulu Poletti )

O Corsu caru cumpagnu
Di tante sorte mischina
Veni à ascultà lu mio cantu
S'è no ne vai in ruvina
Stà à sente la mio storia
Ancu s'è tù ùn ai voglia

O quant'aghju incaminatu
Incurunendu li cresti
Chjucchittava la mio frusta
Pè li monti è li furesti
Cù lu sole è lu muntese
Più ch'è in ogni paese.

Passava tutte ste gorghe
Scurtatu da tante ghjente
Chì per vedemi affaccà
Eranu tutti impazienti
È mi facianu onore
O Corsu cun tantu amore.

Qualchì volta à l'attracghjata
Nantu à qualchi muraglione
Cù li vechji è li zitelli
Scuppiavanu le canzone
Felice era u nostru cantu
Chì ogni ghjornu era santu.

Quandu falava la notte
Durmia per ste campagne
Si sentia le tintenne
Spaperse per le muntagne
È sottu à lu mio pilone
Mi facia un casarone.

S'o t'aghju cantatu o Corsu
Per sti tempi d'una volta
N'aghju tamaritu rimorsu
È la memoria s'hè sciolta
Ma ti pigliu à testimone
Per dà fiatu à le mio canzone.

SULDATU DI U POPULU VA

(Saveriu Valentini )

A Corsica tomba iè
Tomba
Ma senza sipultura
In u cimiteriù umanu
Di i cuscenzi luzzinosi
Si sceta

È tremani di paura
I rapaci sanguinosi
È culpevuli
Chi bulani à corpu pienu
Sopra a so agunia
Di i seculi pasati

Chì morta no
A Corsica ùn hè morta
A Corsica maiori
À i porti di l'orienti
A Corsica di l'Eroi
Quidda di a libertà
Di a spiranza scitata...
È u mondu a fighjula...

Da la fumaccia
Pagna
Di a storia addurmitata
Di storia incarciarata.
In i carciari oscuri
Di quidda chi hà vintu
I fucili rughjinosi
Di Corsica rinata
Sortini
Culpiteghjani da veru
In a memoria cumuna
Intricciata
Ma viva
Di u populu chì và

È tirani in Aleria
È tombani in Bastia

È l'unità si faci
Daretu à ogni colpu.

Suldati u populu
A libertà si sà
Costa a vita di l'omu.
U populu minò
Mucatu da e catene
Chì porta in pesu in pesu
Corsica cù finu ad oghji
È dumani sempri

Iè e prighjò si chjudenu
È si chjuderanu dinò
Nantu à curaghju di l'omi
Finu à quandu
Iè finu à quandu

Ma ogni porta chì si chjude
Da u bughju
Centu ne caccia torna
È a me penna s'infiara
A meia a toia
È tante è tante dinù
Com'è a mescia
Chì brusgia
Incesa da a to manu.

ARRITI

(Filice Filippi/tradiziunale)

Da quì mughju mane è sera
Da quì pensu notte è ghjornu
Da Corti lampu a chjama
À i corsi di u mondu
Ch'ormai l'ora hè sunata
In Corsica di fà ritornu.

Pruclamu le to sintenze
Senza vulè fà un delittu
Senza mette bassu l'arme
Si ùn aghju u me dirittu,
Prontu à tumbà è prontu à more
Sì cusì a sorte vole.

O scruccone sceleratu
O tù perfidu destinu
M'hai suchjatu lu sangue
M'hai ingrunchjatu lu spinu
Sia d'estate o d'inguernu
In paradisu o infernu.

O fratellu sò invechjatu
È u me core si lagna
Ùn sentu più la to voce
Da San Petrone à la Tavagna
Ne sò tutti imbastarditi
Da la piaghja à la muntagna.

Ch'ellu piovi una cumetta
È distrughje i cannoni
L'omi tutti scapigliati
Senza frisgii nè galloni
I lupi diventani cani
È i sumeri lioni.

Spariscanu li prefetti
Incù la magistratura
Chì l'omi senza curragiu
Ùn abbianu più paura
È à l'entre di l'inguernu
Malamorte à u guvernu.

Un paisanu a notte aspetta
Cù rispettu è emuzione
Senza tremà tardavellu
È caccia mi di e prigione
È a santa libertà
Degna d'un populu maggiore.

U CULUNIALISTU

(Marcellu Acquaviva )

À prima intoppu vi pare
Un omu d'altru sapè
Cumpiacente è manirosu
Sempre prontu à fà piacè
Ma pratende amparacci
In casa nostra à stà più bè.

À certuni face imprissione
Cù i soldi è i dannari
S'ell' ùn ne hà per ellu
U statu arrangia l'affari
È li dà tutti avantaghji
Ricusati à nostri pari.

Cunnosce tecnica è pratica
Amparete à l'alte scole
In Corsica ùn anu fattu
Chì u guvernu ùn ne vole
È cusì u ghjugniticciu
Hè grand'omu è noi bistiole.

S'ellu sente parlà corsu
Appinza tandu u musu
Quessu hè faccende anziane
Ci vole à perdenu l'usu.
Hè quant'hà vulè fà panni
Aduprendu rocca è fusu.

S'omu canta una paghjella
Ne diventa infribbacciatu,
Cambia prestu di culore,
Di u so sangue hè spuzzatu
O quantu li face male
U nostru vechju passatu.

Ùn c'hè populu nè nazione
Ch'ùn sia di u so paese
È ciò ch'ellu vene à dì
Puntilleghja e so imprese
Sà ancu pinsà per noi
L'altre idee sò difese.

Ma ùn sà micca chì quì
Nimu hà pudutu impone
Sintimi o fatti cuntrari
À u spiritu di u rughjone
Solu accittemu da ellu
Un attu di cuntrizzione.

Si purrà chjamà sudesfu
U corsu ristatu fieru
Quellu ch'ùn hà betu
Acqua torbia à u bichjeru
Chì li porghje à manu in pettu,
U barbantone stranieru.

A RIVOLTA

(Ghjuvanpaulu Poletti )

O fratellu, o fratellu,
Sò sbarcati versu sera,
Cù li cavalli di ferru
Facenu trimà la terra
U rinforzu di i fucili
È cù la tenuta nera.

Ùn sentite per le muntagne
Le muvre sò accampate
In lu celu bughjicosu
E stelle si sò piattate
E mamme à lu fucone
Di neru sò ammantate.

ripigliu:

Cantanu i patriotti
Nant'à i chjassi di a storia
Cantanu la patria amata
È la so santa memoria.

O fratellu, o fratellu,
S'hè piattatu lu scruccone,
Hà paura u deputatu
Ùn averà più buccone,
Marchja u populu rittu,
In casa di u latrone.

E catene sò strappate,
Pronta hè la to carchera
E campane ind'i paesi
Sonanu à sbattagliera
Per la pace, per l'avvene
È per la santa bandera.

Cantanu i patriotti
Nant'à i chjassi di a storia
Cantanu la patria amata
È la so santa memoria.

U MUVRINU

(Ghjuvanteramu Rocchi )

Di le so prove
Sentu sempre lu vantu
Sò ghjunti à schere
È fattuli l'accampu
S'anu chjappu lu muvrinu
Chì ci teniamu tantu
Po lu si n'anu falatu per purtassilu in un lampu.

Rizzati o caru
U muvrinu arrivintu
Imbela in la strada
Chì colla in Monte Cintu
Brama di ghjucacci torna
Induve lu lacciu l'hà vintu
L'anu messu le pastoghje
E lampatu in un accintu.

Quassù la muvra
Sola la curciarella
Tutta la notte
À chjamà si scannella
Teme di vedela spenta
In celu l'ultima stella
Senza chì lu so muvrinu
Sia torna à cantu à ella.

Da Casamazza
È sempre in lattu à Golu
Falli l'avviu
Sin'à lu Ponte Novu
È po dopu fratta fratta
Sinu à lu biancu Niolu
Quantu seranu cuntenti
È la mamma è lu figliolu.

Rizzati o caru
Aiò rittu chi hè ora
Tè la mio manu
Escimu inseme è fora
T'accumpagnerà Babbone
Chì tù ùn abbia paura
Di fà cappià lu muvrinu
Serà la nostra primura.

SIMU SBANDITI

(Ghjuvanteramu Rocchi / Tradiziunale)

Simu sbanditi,
O pessima cunghjura
Chì sò dui seculi ch'ella dura,
C'hè stata tantu aduprata
La so trista punghjitura
Quandu impiegata la forza,
Quandu la intrappulatura.

Da Ponte Novu,
Finitu lu tazzeghju
Ci si sò dati à fanne assai peghju,
Viulentendu è impicchendu
Induv'ellu c'era passeghju
Di u populu di Cirnu,
Chì ancu oghje n'hà lu schifeghju.

Per fà le so guerre,
È fà lu so imperu,
S'anu arrubbatu più di u bracciu fieru,
Ramintendusi le prove,
Di Ghjudice è di Sampieru,
È di Sambucucciu d'Alandu,
È di Paoli l'altieru.

Sò senza bande,
Li nostri li pastori,
È senza terra sò tanti agricultori,
Fora la giuventù corsa,
Stà fendu lu corri corri,
Quand'elli sbarcanu à schere,
Li soi l'incettatori.

Micca banditi,
Patriotti d'onore,
È per la patria pronti à lu furrore,
E nostre bandere bianche,
Stampate di teste more,
Chjoccanu cum'è saette,
In faccia à l'ingannatore.

Aiò surelle,
Aiutate à la mossa,
Vi guidi sempre Faustina la corsa,
Chì lu populu di Cirnu,
Mai lu metteranu in fossa,
Sè cun voi per cumpagne,
Demu oghje l'ultima scossa.

O l'arme eterne,
D'ogni virtù pruvisti,
Femu spazzosa di tanti inghjusti acquisti,
Ch'ellu si ne parla à veghja,
Quì di li culunialisti,
O li ladri o li furdani,
O li cani fora pristi.

LETTERA DI U PRIGIUNERU

(Ghjuvanpaulu Poletti )

Da u fondu di e prigione induve tù sì,
Dimmi ciò chè tù pensi,
Dimmi ciò chè tù brami...
Vogliu cantà le to muntagne immaculate
Quandu l'alba santa si disceta in mè,
In lu to celu ci cantanu le fate,
È tante voce pure si spannanu cun tè.

Vogliu cantà cum'è un figliolu curagiosu,
In terra nemica oghje incarceratu,
Cun tanta cura u destinu gluriosu.
M'hà purtatu cun fede à l'altare sacrate.

Ripigliu:

Dammi la forza per tene alta la to bandera,
È libertà per la to terra cusì fiera.

Vogliu cantà li to oddii, le to passione,
Quandu mughja in mente u ventu nustrale,
Chì ghjunghje è sbatte e porte di e prigione,
È chì l'eterna gloria alza lu so fanale.

Vogliu cantà cun quattru muri per cunfine, Aspettendu l'ora di la verità,
È anderaghju sempre senza fine,
A pace ritruvata per l'eternità.

Dammi la forza per tene alta la to bandera,
È libertà per la to terra cusì fiera.

Salute à tè, prigiuneru macchjaghjolu,
Quand'è tù turnerai ùn ci serà più dolu.

CANTI DI A TERRA E DI L'OMU

A CANZONA DI U PIANU

(Ghjuvanpaulu Poletti )

Marcandria è Petrusimone
Andavanu inseme in lu pianu
Caminendu strappavanu fiori
È fiscavanu pianu pianu
Marcandria è Petrusimone
Andavanu inseme in lu pianu.

In lu pianu ci sò tanti acelli
È cantanu ancu le funtane
Nant'à u pratu pascenu l'agnelli
Portanu tintenne è campane
In lu pianu ci sò tanti acelli
È cantanu ancu le funtane.

U falcu cerca in la furesta
A culomba piatta in le fronde
L'acqua di la surgente si spiccia
Di lu fiume cerca le sponde
U falcu cerca in la furesta
A culomba piatta in le fronde.

A ghjumenta galoppa galoppa
Scurtata da tanti cavalli
Senza sproni cun la chjoma sciolta
Vanu in liberta per li valli
A ghjumenta galoppa galoppa
Scurtata da tanti cavalli.

U sole s'hè spentu in lu celu
È s'affacca la prima stella
Pianu pianu si more le ghjornu
Mamma rientra la tinella
U sole s'hè spentu in lu celu
È s'affacca la prima stella.

CANZONA PER STELLA

(Ghjuvanpaulu Poletti )

Hè spuntatu u primu fiore
Vicinu à lu pasturellu
Cusì cantava l'acellu
In lu chjosu di l'amore
Vicinu à lu pasturellu
Hè spuntatu u primu fiore.

In lu chjossu di l'amore
Si hè calata una stella
Cù a musica più bella
U ventulellu chì corre
Si hè calata una stella
In lu chjossu di l'amore.

U ventulellu chì corre
Ùn pianta mai una stonda
È face pienghje le fronde
In un amaru dulore
Ùn pianta mai una stonda
U ventulellu chì corre.

BRUSCU

(Marcu Casanova)

Bruscu l'avia chjamatu
Un cane turcatu è neru
Per la caccia rinnumatu
Cunnisciutu in lu terzeru
Causa di la so morte
Perch'ellu era troppu fieru.

Fieru era cum'è un lione
È nun avia paura
Davanti à un battaglione
Li si mettia in pettura
Soca si cridia forte
Ancu più chè la natura.

Una mane di bon'ora
Partimu à fà la battuta
Chì ghjurnata di malora
Ch'ella ùn fussi mai venuta
Ch'ellu avia da more Bruscu
Quale l'averia creduta.

Un cignale pocu ombrosu
Stava nentr'à un sepalaghju
Bruscu troppu curagiosu
Ùn lu muvia à l'abbaghju
Si face entre per cacciallu
Ma surtì cun pocu laziu.

Un solu colpu di sanna
Li tagliò lu core nettu
S'ell'era stata la fiama
D'un cultellu o d'un stilettu
Per favurisce la morte
Ùn facia più bell'effettu.

La morte di u mio cane
Ùn mi piace manc'appena
Ma la vogliu suppurtane
Bench'ella mi facia pena
Chì saria stata peghju
Per quella di Filumena.

Avà seranu cuntenti
Per la macchje li cignali
Ùn temenu li so denti
Nè mancu li mansellari
Ùn li dava basgii dolci
Chì ghjeranu morsi amari.

Le levre di lu Canale
Si ne ponu stà tranquille
Bruscu ùn li face più male
Finite sò le so sguille
S'elle sanu ch'ellu hè mortu
Seranu cuntente anch'elle.

O Bruscu riposa in pace
Ch'avà t'aghju vindicatu
Quessa in Corsica si face
Per un amicu fidatu
Quellu chì hà tombu à tè
Di piombu l'aghju stinzatu.

L'ALTA STRADA

(Ghjuvanpaulu Poletti )

La mio culomba messaghjera
Chì parte per longu viaghju
Traversa la Corsica intera
Cù lu zitellu è lu capraghju.

Salutami l'Omu di Cagna
È l'Ospedale cun Bavella
Di lu Cuscionu la muntagna
Incù l'Alcudina per stella.

Stende lu volu maestosu
Calà u to sguardu in pianu d'Ese
Ci sò li Pozzi è lu Renosu
Ti faranu cullane appese.

Franca l'Oriente è Monte d'Oru
Da Manganellu à la Maniccia
Cù li lavi di lu Ritondu
Guardà lu Cardu è Lattiniccia.

Acqua Ciarnente è Camputile
Da Ninu à Verghju per la furesta
Hè bella la neve d'aprile
Quandu u sole si mette in festa.

O Paglia Orba luminosa
Regina bianca incurunata
Damicella cusì pumposa
Di lu Cintu s'hè innamurata.

Cantanu inseme cun amore
Cù l'altre cime di lu circondu
U silenziu fattu rimore
Per la bellezza di lu mio mondu.

CLANDESTINU

(Ghjuvanpaulu Poletti )

T'aghju intesu caminà di bughju in la campagna
Caru fratellu di l'ombra ai la notte per cumpagna
Di ghjustizia sì vestutu per acciaccà la macagna.
Anu insischitu lu populu dopu l'affare d'Aleria
Hè ghjunta la forza armata cù i panni di a miseria
Sò sbarcati i so banditi a milizia vituperia
Senti u frombu chi si move da l'alte cime à lu pianu
Per ogni calzu di vigna sta armatu un paisanu
Tù ascosu in l'ombra pagna porti u tonu in la to manu.
A rivolta nasce in mè è porta lu mio destinu
Prestu spunterà lu ghjornu è ti saraghju vicinu
È dumane la to strada sarà mea clandestinu.

SURELLA D'IRLANDA

(Ghjuvanpaulu Poletti )

S'hè infiarata la mio rima chi n'aghju tamanta pena
Hè scritta nant'un giurnale a disgrazia chi ti mena
Ti casticheghja l'Inglese chi ti strigne la catena
Surella d'Irlanda.

Sò figliola di sta terra è aghju listessa sorte
La mio prigione hè francese è mute sò le so porte
È l'ordine culuniale mi hà cundannatu à morte
Surella d'Irlanda.

È to notte sò sangue è ammantate di dolu
Quandu ghjunghje la mitraglia qual'hè ch'ùn si sente solu
Una sera in Bastia m'anu pigliatu un figliolu
Surella d'Irlanda.

Paura ùn ne cunniscia chi figliolu era d'onore
Ma quandu l'anu intravatu s'hè strappatu lu mio core
Ma francaraghju lu mare per sparghje lu mio terrore
Surella d'Irlanda

Un ghjornu ci scriveremu quandu a pace turnerà
Quandu a mente sarà sciolta per pudecci abbraccià
È stu mondu d'inghjustizia ghjurgu ch'ellu cascherà Surella d'Irlanda.

L'ELITTI

(Canta u Populu Corsu)

Elli di li paesi
Ne facenu l'avvinta
Cù la so sciarpa cinta
Ci vulenu ingannà.

Riturnella:
Ùn andemu à vutà
Per sti purcellacci techji
Ùn li demu da manghjà
Ch'un ghjornu anu da crepà.

Pensanu à diritta
Si presentanu à manca
È nisunu si stanca
Di vedeli ingrassà.

Riturnella

Unu face la volpe
È l'altru la curnachja
È battenu la machja
Sempre pronti a furà.

Riturnella

Elli in ogni famiglia
Si strappanu una fetta
Per empie la sacchetta
Cume elli a sanu fà.

Riturnella

UN PAISANU

(Ghjuvanpaulu Poletti)

Hè fattu di lume un paisanu
Quandu in celu u sole si move
Quandu spunta u ghjornu luntanu
Hè fattu di lume un paisanu. --bis--
Hè fattu di pena un paisanu

Quandu u solcu li nasce in fronte
Quand'ella si scaglia a so manu
Hè fattu di pena un paisanu. --bis--
Hè fattu di gioia un paisanu

Quandu a pianta nasce più bella
Quandu l'alburoni si spannanu
Hè fattu di gioia un paisanu. --bis--
Hè fattu di stintu un paisanu

Quandu a terra si face dura
Quandu u tempu si face stranu
Hè fattu di stintu un paisanu. --bis--
Hè fattu di sangue un paisanu

Quandu a rimigna strangera
Li porta lu focu è lu dannu
Face corre u sangue un paisanu. --bis--

DITEMI
(Ghjuvanteranu Rocchi)

O Mà chì vulia ditti,
Troppu spessu stemu zitti,
Tù in un scornu è eu in quill'altru
Quantu ci manca lu passu
Di quellu chì ghjè quallà
Per azzicacci la pena
Sò ci parlessimu à pena
Tantu sò a verità
Ma sì muta o Mà,
Ma sì muta.
M'anu insignatu di ditu:
"Hè figliolu di banditu !"
Toccu quant'è mi sò intesu
Po cù lu mio pugnu tesu
Lu nostru populu offesu
Babbu sempre l'hà difesu
Quale di voi ùn la sà.

U lindumane à bon'ora
Tempu simu intrat'in scola
Nant'à lu nostru tavulone
Foscu più chè una prigione
Una manu di zitellu
C'avia postu un acellu biancu,
È scrittu: libertà !
Ma sì muta o Mà,
Ma sì muta.
Sai, avà, dettu lu corsu
Ci mettimu à parlà corsu
Emu tutti à u curughjolu
Un nome di macchjaghjolu.
Eiu, hai induvinatu
Portu lu nome di Babbu
Ch'elli c'anu incarceratu
Ch'elli c'anu incarceratu,
Ma sì muta o Mà,
Ma sì muta.
T'arricord'issa matina
I nostri sogni in pulvina
Ellu solu, elli sei
Manittatu mani è pedi
Po lu si, l'anu purtatu
Ghjustu s'ellu c'hà basgiatu
Quant'ellu era curagiosu
Babbu caru u to sposu,
Ma sì muta o Mà,
Ma sì muta.

Da u mio più prufondu sognu
Ogni ghjornu cresce un frombu
Ghjè quellu d'un aviò
Chì partendu à le prigiò
Mi sbranguleghja lu capu,
Mi trapaneghja lu core
Mi discetu è vecu à Babbu,
Incatinatu è prontu à more
È tù chì ùn vole parlà
Dimmi ch'ellu hà da vultà !
Dimmi ch'ellu hà da vultà !
Dite ch'ellu hà da vultà !

PAGHJELLA DI PONTE NOVU

(Canta u Populu Corsu / Tradiziunale)

Sè tù passi per ste sponde
Pensa a salutà la croce.

Quì sò cascati l'antichi
Cantendu à alta voce.

Per difende a libertà
Contr'à u francese feroce.

U VAGABONDU

(GhjuvanPaulu Poletti )

Una fata peregrina s'hè calata
in lu mio core
Ella guida la mio strada con furtuna è cun amore
Corre corre all'infinita u ventu di la mio vita (bis)

Cum'è pane d'ogni ghjornu aghju una sporta di stelle
Per a luna è per u sole scrivu le mio riturnelle
Corre corre all'infinita u ventu di la mio vita (bis)

Quandu d'inguernu la neve mi trova per iss'alte cime
Cercu sempre qualch'agrottu per finisce le mio rime
Corre corre all'infinita u ventu di la mio vita (bis)

Cum'è sposa aghju una musa, cum'è lettu aghju la terra
E le mio sole cunfine sò la muntagna e la serra
Canta canta all'infinita u ventu di la mio vita (bis)

L'ODORE D'I NOSTRI MESI

(Ghjacumu Fusina / GhjuvanPaulu Poletti)

Ottobre sente e castagne
In paese fumicosu
Quand'u celu nebbiacosu
Fala nant'à le muntagne
Pare tutt'avvene chjosu
È finite le cuccagne.

Dicembre sente l'aranciu
Chì fiurisce per'sse piaghje
Ma quandi lu ventu traghje
Piglia inguernu lu sbilanciu
Tempu d'acque è di nivaghje
Affanosu è pocu danciu.

Maghju sente la ghjinestra
Chì sbuccia per lu pughjale
Inzeppisce fiuminale
Verdiceghja la campestra
L'acelli sparghjenu l'ale
Si spalanca la finestra.

Aostu sente a filetta
Calpighjata a merendella
A notte s'empie di stelle
Di dulcezza benedetta
In core di le zitelle
C'hè un fiore chì l'aspetta.

Chì senteranu li mesi
Di la prussima stagione
Duve piantera viaghjone
Cù le so sperenze appese
È basteranu e canzone
Per guarì tutte l'offese ?

L'ANCURA DI A MISERICORDIA

(GhjuvanPaulu Poletti)

Messageru di a storia
Quand'è tù ghjunghji in Sagone
Dà un'occhjata à l'orizonte
È ascolta lu marone
Senterai qualchì voce
Di stu fattu testimone.

Eranu tant'omi fieri
Tutti di ceppu lucale
Nant'à un battellu sbrancatu
In pettu à lu tempurale
Sott'à un celu spaventosu
Cum'è le porte murtale.

Si stracciava ogni vela
Un ventu forte stridava
Più l'omi tenianu morsu
Più l'onda si scatenava
È à l'unu è l'altru latu
A morte già s'affiancava.

Cum'è una bestia ferita
È senza speranza alcuna
Strinti in un ultimu fiatu
L'omi sciolsenu la funa
À quale ci era anudata
Cù l'ancura di furtuna.

Ad ùn trattu u bastimentu
Cum'è un cavallu dumatu
Fù scacciatu da l'infernu
U tempu s'era fermatu
L'omi casconu in preghera
Fin' chì u mare fù calmatu.

Quandu u celu fù serenu
Ognunu purtava in gloria
L'ogettu di a so salvezza
Chjamatu misericordia
Fù lasciatu sopr'à locu
È stampatu in la memoria.

Ma in fondu di lu mare
Oghje ch'hè oghje in Sagone
A rena hè più chè nuda
Un furesteru latrone
S'hà coltu senza vergogna
Quella ancura testimone.

Avà corsu stami à sente
Sta canzone ùn hè finita
Fatti onore à ripiglià
Un pezzu di a to vita
È lampa fora stu latru
À la manu troppu ardita
È lampa fora stu latru
À la manu troppu ardita.

AMICU CI SI TU

(Ghjacumu Fusina / GhjuvanPaulu Poletti )

Amicu, ci sì tù chì ci porghj i la manu
Quandi u ventu gira ind'u celu isulanu
Quandi u sensu spira ind'u cerbellu umanu
Amicu,ci sì tù
Amicu, ci sì tù chì ci porti penseru

Quandi u morsu stringhje di ferru furesteru
Quandi l'ochju dinnera da lu vechju addisperu Amicu,ci sì tù
Amicu, ci sì tù chì copri lu dulore

Quandi a brusta ghjala u focu di l'amore
Quandu a fede cala in core traditore
Amicu,ci sì tù
Amicu, ci sì tù chì ci apri le porte

Quandi l'idea move nant'à le strade torte Quand'ellu sbuccia un fiore cum'è sognu di morte Amicu,ci sì tù
Amicu, ci sì tù chì ci dai sperenza

Quandi a vita cagna ci tomba fratellenza
Quandi a terra cara si sfuma in la partenza
Amicu,ci sì tù
Amicu, ci sì tù chì ghjetti lu mandile

Quandi u tempu vene d'ùn esse più ghjentile Quand'elle vene l'ora d'ùn esse più civile
Amicu, ci sì tù
Amicu, ci sì tù

QUANDI A TERRA MOVE

(Ghjacumu Fusina / GhjuvanPaulu Poletti)

Quandi a terra move
Sott'a la sciappitana
Di Corsica luntana
Mi vogliu avvicina

Sentu chi l'aria trema
Ch'ellu mughja lu mare ava si chi mi pare
Stu ventu girera
Issa terra he la nostra

Nisun ci po pretende
Ormai un n'he a vende un vale a pattighja
Ci so nati l'antichi
Dapoi la filitosa la vulemu fa sposa quelle so liberta

Sona lu vecchju cornu
Sopra lu mondu novu
Per mette'a u provu
L'amore di qualla

E imbrusche so in lu saccu
Chi la mio manu un tremi
Chjunti a li punti stremi
A scelta si fara

Simu l'eredi ghjusti
Di Corsica striziata
Corsica marturiata
Ti vulemu aiuta

ALLEGRIA

(Natale Luciani)

Un sguardu zitellinu chi si sveglia
Scuprendu l'alba chjara di fraternità
Un strinta di manu maraviglia
L'amicizia frà l'omi per l'eternità

Cantu chi sparghje l'ale via via
Supranendu e campagne empiendu cità
Tanti culori tant'allegria
D'una vita rinova chi prinincipia avà.

Ripigliu:
Vene venerà quellu ghjornu
Vene vene venerà
Quellu mumentu chi per tè
Serà benestà
Tornerà tornerà una stonda
Torne torne tornerà
Quell'allegria cumuna di la libertà.

Un sguardu zitellinu chi si sveglia
Scuprendu l'alba chjara di fraternità
Un strinta di manu maraviglia
L'amicizia frà l'omi per l'eternità

Ripigliu

SONNIU

(Natale Luciani)

Stendi la to manu o giuventù
Strappendu u velu di schjavitù
Per fà chì dumane
Schiarisca e funtane
Di la vita.

Poni lu to sguardu o giuventù
Nantu à tanti valori è virtù
Per fà di l'amore
Lu più bellu fiore
Di la vita.

RICANTU
Sonniu di tanta sperenza
Chì disceterà
Un'aria di liberta
Forza di tanta credenza
Chì sustenerà
E ragione di luttà.

Apri lu to core o giuventù
Sopra à la miseria, nant'à
Tutta a natura sana
Chì move è s'inganna
Per la vita.

Fà chì la to voce o giuventù
Oramai ùn si taci mai più
Di mughjà più forte
Sopra à tante lotte
Per la vita.

MISSAGHJU

(Natale Luciani )

Tanta suffrenza
Spapersa in lu mondu
L'omu chì vole campà
A me speranza
In missaghju mandu
Quellu chì cerca à luttà.

Fratellu ormai
A to lotta hè mea
T'avvii mezu à l'avversità.
Cunnosci i guai
Per fà chì l'idea,
Splendi per a libertà.

Lacrima pura
Chì sbuccia surgente
A fiumara di l'unità
Forza sicura
Chì richjara a mente
Soffiu di a verità.

Passa una vita
Di gioia è di pena
Passu di fideltà
Parolla scritta
Chì sempre sumera
L'avvene, chì ne serà?

RICANTU
Cresce la voce
Sopra à le fruntiere
Purtendu a speranza quallà
Dannu veloce
Canzone straniere
Chjamendu a sulidarità

SCORSA LA VITA

(Ghjacumu Fusina / Natale Lucciani )

Hè natu un fiore ghjallu
In chjosu di virdura
È nisun'ùn hà primura
D'innuchjallu.

Hè natu un pesciu è pare
Culuritu di gioia
Caccia l'acqua la noia
Di u mare.

Scorsa la to vita
Cum'è u ventu
Si n'hè sparita
Si n'hè finita
Hè firmatu spaventu
È la mio vita.

Hè natu angusciosu
Dubitu in la mio mente
Chì st'anima ùn risente Riposu.

Hè natu un pecurellu
Ind'è l'altu pascile
Vicinu à un fucile
D'un pasturellu.

Sò nati centu zitelli
À tempu à lu veranu
Ma di a so vita elli
Chì feranu ?

Scorsa la to vita
Cum'è u ventu
Si n'hè sparita Si n'hè finita
Hè firmatu spaventu
È la mio vita, ferita.

UN SOFFIU DI LIBERTA

(GhjuvanPaulu Poletti )

Quandi u mare amurosu carezza le to sponde,
È chì l'aria s'infiara à l'imbruni di a terra.
M'incantanu e stagione chì azziganu e to stonde,
È l'ombra di a pace ch'invadisce la sera
Cum'è un soffiu di libertà.

Quandi i venti d'inguernu scappanu à lu meziornu,
Nant'à e spiche mature intrecciate in'onde d'oru.
Vegu ballà una fiara nata in core di ghjornu,
È chì l'ochji di u vechju luce tale un tesoru.
Cum'è un soffiu di libertà.

Quandi u sognu d'oghje si mette in catalettu,
Di tutte e schjavitù di tutte e to ruine.
Sentu cantà una voce in fondu di u mio pettu,
Chì corre à chjama l'anima da l'elpe à le marine.
Cum'è un soffiu di libertà.

Da le to mosse antiche à l'alba incatenata,
Da u fiore chì spunta à l'usciu di e prigione.
Viaghjà culore di lume a mente rivultata,
Di quellu chì ti cerca è ti scopre Nazione !
Per un soffiu di libertà !

VERGOGNA A TE

(GhjuvanPaulu Poletti )

Nant'à a piaghja luminosa
Di mullizzu suminata,
C'hè tanta ghjente accatastata
Nant'à a rena dulurosa.
Vergogna à tè chì vende a terra !

Quì ind'è u strangeru hà cumpratu
C'hè una casa vituperia,
Chì stupa nant'à a miseria
Di u to locu abbandunatu.
Vergogna à tè chì vende a terra !

In quelle campagne brusgiate
Più mancu un cane ùn abbaghja,
Magra trista la ghjandaghja
Canta è stagione malate.
Vergogna à tè chì vende a terra !

A rimigna in campusantu
Trà mez'à e tombe s'hè stese,
È di u tempu l'offese
Men'à u sguardu ogni tantu.
Vergogna à tè chì vende a terra !

È l'estate ti vede fieru
Sbarc'à mezu e to ruine,
Cù e manere parrighjine
Di l'omu senza pinseru.
Vergogna à tè chì vende a terra !

Ùn tornà più o traditore
Chì si ride di e mio pene,
U sangue di le to vene
Di u soldu hà lu culore.
Vergogna à tè chì vendi a terra !
Vergogna à tè chì vendi a terra !

LETTERA A NICOLI

(GhjuvanPaulu Poletti / Dumenicu Gallet )

Eramu in lu quaranta trè
U focu era universale
Arritti s'eranu tant'omi
Daret'à la fiama nustrale
Rispudendu à la to chjama
Cù lu Fronte Naziunale.

Tutt'ognunu s'eranu adduniti
Contr'à quell'indegnu macellu
Più di un giuvanottu arditu
È donne, i vechji è li zitelli
Sottu à la bandera libera
Quella di li corsi ribelli.

Di a libertà di u mondu
Ne fusti un bellu sullatu
Contr'à e milizie fasciste
S'hè spentu fieru lu to fiatu
Quand'una matina d'aostu
Tù morsi degnu è rivultatu.

Da e cime valle à e piane
Chjuccavanu tante ciccone
A rivolta fù pruclamata
Intornu à lu vechju fucone
È in un frombu di fucile
Fù salvata a vechja Nazione.

Eu quandu vegu l'inghjustizia
Cum'elli à ci volenu impone
Quantu mi pare sempre viva
Quella lettera testimone
Chè tù c'hai lasciatu un ghjornu
In lu fondu di a to prigione.

Oghje u to populu hè sempre in lotta
Per una causa universale
Hè sempre rittu u to figliolu
Rossa hè la fiama nustrale
Chì schjarisce la strada nova
Di u Fronte Naziunale.

VIAGHJI

(Ghj. Fusina/Ghj-F Leschi)

Da scopre venti simu nati
Cum'è l'acelli benedetti
Chì si lascianu nidu è tetti
Quand'ella vene l'inguernata

Simu sempre à valisge fatte
Simu sempre à mezu à le mosse
Pocu ci impremenu le scosse
È pocu dinù le disfatte

Cum'elli sò belli i viaghji
L'avviò li treni è li battelli
È di stradò li riturnelli
Cù centu mila paisaghji

È po li cavalli d'idea
I più maravigliosi sogni
I più primurosi bisogni
A nostra più bella epupea

Ma chì ci moverà le voglie
Chì ci mette l'ale à i pedi
È ci accarezza vulinteri
Cum'è l'acqua nantu à le foglie

Quand'ella corre liberata
Ch'ella canta e so canzone
Nant'à a ringhera di u balcone
È ch'ella leva una ventata

SIMU DI QUELLI DI PARTENZA
SIMU DI QUELLI DI VULTATA
CUSÌ RINOVA L'ABBRACCIATA
CUSÌ RIBOMBA LA SPERENZA

SINTINEDDI

(F. Lanfranchi/N. Luciani)

Tali un ochju lampatu à u mare latinu
O una mani porsa à l'imperi à liventi
Un sognu maladettu d'eternu scarpiddinu
O una chjama antica chi più nimu n'ùn senti

Tali i voci chi funu da culandi à l'ora
E li visi di petra chi dissinu di nò
Quidda sumiglia strana chi ùn si volsi mora
E l'idea chi tandu tuttu quì principiò

Tali a mani chi vensi in tempu d'ancu à fà
E vi feci d'altura cù quiddu arti supranu
Un era ancu lu mondu é n'erati digià
Guardiani impitrati di u ricordu umanu

Tali l'abbracciu primu chi u silenziu vi deti
E li sapienzi arcani cù li so canti immersi
Di ciò chì ùn hè storia tiniti li sicreti
Tali una citatella chi a mimoria persi

A GALUPPÀ

A terra,a terra, a terra di Corsica
U mare, a piaghja, a muntagna diserta
Galoppa cavallu sfrenatu
Si d'un populu natu
E sta terra hè a toia.

À galuppà, à galuppà
Sin'à lampalli ind'u mar'

Ribomba, ribomba, a terra di Corsica
È da e staffe ti ribomba in core
Galoppa cavallu sfrenatu
Sì di sciuma bagnatu
E sta terra hè a toia.

À galuppà, à galuppà
Sin'à lampalli ind'u mar'

Davanti, davanti ùn ci hè nimu
A morte ùn anscia più sè tù la piglii in groppa
Galoppa cavallu sfrenatu
Sì d'un populu natu
E sta terra hè a toia.

À galuppà, à galuppà
Sin'à lampalli ind'u mar'

CANTU A PABLO NERUDA

(Aragon, adattatu da F. Lanfranchi/J. Ferrat).

Vi voddu cuntà a fola
Di quiddu chì sì n'andò
È da l'Andi a parolla
Di l'aceddi si purtò

Era viddutu lu celi
Ùn si sapia parchì
À l'affaccà di li stelli
Muria lu ghjornu quì

Ricantu
Comu creda, comu creda
Comu creda o spirà?
Neruda fà ci la veda
A luci lla libartà

Cù a musica ribedda
L'omi sò pari dinò
L'inghjustizia hè malacedda
Da Parigi à Santiago

Sarà unica la voci
Cantu fratemu par dì
"Dura hè la prighjò,feroci,
In Francia o à u Chili"

Ricantu
Comu creda, comu creda
Comu creda o spirà?
Neruda fà ci la veda
A luci lla libartà

Sò i to furesti vechji
Vechji quant'è libartà
È li strazii chì tù spechji
Sò spiranzi à assuvà

Quali sè, lu me paesu
Libaru o à cunquistà
À l'appiattu o à palesu
A to storia si farà!

Ricantu
Comu creda, comu creda
Comu creda o spirà?
Neruda fà ci la veda
A luci la libartà

T'assumiddi sinu à mai
À lu to paesu ma
I tradimentu è li guai
Ti volini fà chità

Neruda,sè di a tarra
È di u celi dinò
È a to rivolta spara
Trà no'tutti par dì : innò!

Ricantu
Comu creda, comu creda
Comu creda o spirà?
Neruda fà ci la veda
A luci lla libartà

I GHJUVANNALI

U silenziu si hè spartu, chì ùn funi attarzati
nè l'ossa nè u sangu. Ùn cunnobbini quì
pietà nè cumpassioni, i Cristiani mandati
à tumbà i cristiani : ci vulia à pulì

Issa tarra d'arasia, di felu è di vilenu,
acciaccà si li tutti, maiori è criaturi!
Solu u Criatori cù lu so Santu Sennu
sciddarà-trà i morti-quiddi chì funi puri!

DIES IRAE DIES ILLA
SOLVET SAECLUM IN FAVILLA

"Ùn volsimi accittà di Roma la duttrina,
cusì la noscia fedi duvintò suffrimentu!
Si ni morsi issa luci, ditta San'Ghjuvannina
dopu l'ultimu abbracciu di u Cunsulamentu!

DIES IRAE DIES ILLA
SOLVET SAECLUM IN FAVILLA

Santa fù la Cruciata! Inghjustu lu turmentu!
Solu par Cristu in cruci fù più cruda a sintenza!
Ci fù datu prighendu! l'ultimu Sacramentu
di lu focu è lu farru! Dulenti pintenza!"

DIES IRAE DIES ILLA
SOLVET SAECLUM IN FAVILLA

Po'di li Ghjuvannali a stirpa, a sumenti
prestu fù missa in fossa... È issi castichi grevi
pesani in a mimoria, è ghjacini in a menti
da ch'idda campi in paci, di Carbini a pievi!

TAVAGNA

N'UN TI SCURDA

N'ùn ti scurdà di quelle stonde
Cantava l'acellu di luna
Rivucchendu listessu cantu
Cantava l'acellu di luna
Rivucchendu listessu cantu
U tempu s'hè firmatu quì

L'ANNIVERSARIU DI MINETTA

Per tutti l'anni chì sò scorsi
Per le to gioe è le to pene
Per li fatti è li discorsi
Per lu sangue di le to vene
È per la to mimoria cara
Chì luce sempre in core à mè
Vogliu gode ogni stonda permessa
Vogliu gode la per tè

Per li to ochji à la funtana
U t'amore immensità
A cara santa nostra mamma
Per l'oghje è per l'eternità
È per la to mimoria cara
Chì luce sempre in core à mè
Vogliu gode ogni stonda permessa
Vogliu gode la per tè

Tù si la mio surella cara
>Quella ch'è nata à tempu à mè
È si di mè stai luntana
Seraghju sempre accantu à tè
È per la to mimoria cara
Chì luce sempre in core à mè
Vogliu gode ogni stonda permessa
Vogliu gode la per tè

ANNA ROCCHI

L'ANNU MILLE DI VALLE RUSTIE

(Patriziu Croce-Eric Gineste)

Da Casaluna
Hè Rusincu vicinu
Acqua di luna
Corre pè lu vaglinu
Serà l'oghju di u celu
Chi s'hè apertu in su mondu
Da facci core zitellu
Cù li canti è cù li soni

Da l'Alturaghja
Castellu si vicinu
Qui c'era l'aghja
U granu eppo u linu
A signora chi pregava
Cun quella di San Petrone
Quandu a messa sunava
A la cima di San Cervone

Da Saltaboie
Duve ciotta la sponda
Funu l'eroi
Annigati ind'è l'onda
Ma unu fù vitturiosu
Scapendu le sette teste
Di lu dragone furiosu
Ancu più ch'è la timpesta

Petra di luna
Cusi bella frisgiata
Conta furtuna
E dicci lu stalvatu
L'annu mille di l'antichi
E d'al di là u rumore
Lascendu tante vistiche
Cù lu sangue è lu sudore

PULA

(Ceccè Lanfranchi - Bernard Ferrari)

Ch'iddu ti porti stu cantu
Sinu à li to primi passi
E tuttu ciò chi tù ùn sà
Cio chi ti ferma à pruvà
Sin'a l'ora ritruvassi
Ch'iddu u ti doca issu cantu

Ch'idda ti lachi issa rima
Cum'è per sparte li venti
Un rispiru di culà
Un fiatu per burbuddà
Eppò i visi turmenti
Chi sta volta era la prima

Ch'idda ribombi la to risa
E li radichi di u celu
Ch'ùn sò tutti da truvà
U tò nome firmerà
Cù i surrisi crudeli
Eppò sta via indicisa

Ch'idda s'apri la tò mani
Da laca fughja lu sole
Chi ùn hè solu per tè
Ch'iddu viaghji à più pudè
I nosci brami ùn sò foli
E li sonnii ùn sò più vani !

U ZITEDDU E A LUNA

(Ceccè Lanfranchi - Bernard Ferrari)

Ti darìa lu celu s'ellu fussi iu s&ograveiu
Epp&ograve par cumpagnia d'ogni notti una stella
D'essa unica à issu mondu taceria l'orgogliu
par cuntintà li ghjorna di quant'ell'ùn t'hè fida

Ti darìa u tempu s'ell'ùn fussi prumissu
S'ella n'era maestra, ti darìa po essa
Per sapè li so visi (So cambierini à spessu !)
A so più vechja fola, da mill'anni a stessa

Ti darìa un surrisu s'ella n'avissi l'usu
Ti darìa u sò cantu s'è la voci ci fussi
Ti dà luci è chjarori chi t'ùn fermi d'illusu
Eccu li sò rigali, ecculi li to lussi...

A sò mani dinò, soca a ti darla
Per, un tempu d'un sognu, purtati in sicretu
Di la cilente avvinta in a so cumpagnia
ne firmerìa un sole da sopra à lu to lettu
da sopra à lu to lettu

DONNE CORSE

(Ghjuvan-Petru Ristori-Eric Gineste)

Aghju aduprattu a rima
Per e cause diverse
Quelle vinte, quelle perse
Quelle d'avà o di prima
Ma si oghje li do mossa
Hè per ogni donna corsa

Corse di le miò canzone
Chi site sublime deie
Eredi di grand'idee
Di l'antica tradizione
Per voi ùn possu stà muta
E a miò rima s'arruta

E lodu, s'ella m'aiuta
E s'ella hè cristianina
A Devota, Laurina
Amanza è Ristituda
Chi patistinu cun Ghjulia
U martire è l'inghjulia

O Corsa, la mio zitella
Vai in Corti à l'alte scole
Arricurdati ci vole
Ch'in piazza à la citadella
Fubbenu resi l'onori
A Faustina Gaffori

Se tù si mess'à la prova
Un cede à la timenza
Pensa à la resistenza
Di Daniella Casanova
Ch'in pettu à lu suppliziu
Un perse mai ghjudiziu

Fà seguente a u tò sennu
Senz'omette i destini
Di Rusanna Serpentini
Di Margherita di Rennu
E di Maria Gentile
A la gloria ghjuvanile

E tù Corsa appassiunata
Chi hai tamantu core
Sereste pronta à more
Quand'è tù si 'nnamurata
Ti purebbe dà la manu
Quella Vannina d'Ornanu

O Corsa for di paese
Luntanu da a famiglia
Fatt'onore è fà inviglia
Ind'è tutte e t'imprese
Cum'ind'è i Sarracini
Fece Davia Franceschini

Beatu quellu chi brama
D'avetti o Corsa per sposa
Niscentre o maliziosa
Un ghjornu serai mamma
Mischiu d'amor'è malizia
Era corsa ancu Letizia

Simbulu di a bellezza
Culomba, omu ti chjama
Ai dettu a to brama
Di corre senza cavezza
Ma abbia, fin'à la fossa
Stintu è anima corsa.

TRÀ SOLE È MORTE
(U cantu di l'Omu)

(Ghjacumu Thiers - Eric Gineste)

A tomba hè scialbata di sole
L'anime so strutte di rena
U cantu si avvinghje di ventu
U lamentu ci s'asserena

E simu tutti in a tò voce
Da celuvolta à ochjipena
U cantu si accinghje d'eternu
E l'ore ci s'asserenanu

E sò parulle senza sensu
Nodu vivu di l'incantesimi
Ritu à barbari battezimi
E l'ore ci s'asserenanu

E simu unu in quellu versu
Dolce cum'hè roza la mente
Spugliati tutti l'Occidenti
E l'ore ci s'asserenanu

A pace a verità di sempre
Sò in a voce munimentu
Sfida à l'eterni silenzii
Carchi à orridi cuntinenti

E cusì ùn seraghju più solu
Un anderaghju più per issu mondu
A girà l'ombra di a ghjustizia
A circa l'idee sintetiche è fine
Ma chì ùn sò mai che idee
Seraghju cù i mei
E cù st'omu
Ch'ùn sà nè a sò voce, nè a sò storia
Ma chì campa è tramanda
Cù u cantu, a vita.

L'ALBA

Alba
A Mane Arresu
Anima
A Perula d'Oriente
Battelli
Beie à stancià dulori
Bianchineru
Cilva pisiva
Gocciule d'amore
Morte